LUKA 5:13 - Jinghpaw Common Language Bible 2009

¹³ Yesu gaw lata ladawn nna shi hpe ahtawk let, “Ngai hkraw nga nngai, san pra wa nu,” ngu wu ai. Shaloi jang dai manggang ana mai mat wa ai.

Jinghpaw Hanson Version Bible

¹³ Yesu gaw lata ladawn nna shi hpe ahtawk let, “Ngai hkraw nga nngai, san pra wa nu,” ngu wu ai. Shaloi jang dai manggang shi kaw na pru mat wa ai.

LUKA 5:13 ပူးပေါင်းရင်းမြစ်များ

NINGPAWT NINGHPANG 1:3

Shaloi Karai Kasang gaw, “Nhtoi tai u ga” ngu yang, nhtoi pru wa nga ai.

NINGPAWT NINGHPANG 1:9

Dai hpang Karai Kasang gaw, “Lamu kata e nga ai hka hpung ni shara mi hta shinggyin hpawng nga u ga, shaloi hkarang ga dawng pru wa na ra ai,” ngu nna hkang dat wu yang, dai mung byin nga sai.

2 HKAWHKAM 5:10

Elisha gaw shi hpang de shangun ma langai mi shangun dat nhtawm shi hkum hpe Yawdan hka e sanit lang sa tsing jang shi a manggang ana tsep kawp mai tsai mat na ra ai lam, tsun shangun wu ai.

2 HKAWHKAM 5:14

Dai rai nna Naman gaw Yawdan hka de yu sa nna shi hpe Elisha matsun ai hte maren, shi hkum hpe sanit lang tsing dat wu yang tsep kawp shamai shatsai ai hkrum wu ai. Shi a hkum shan mung ma kaji a hkum zawn ting ting hkang hkang rai hkam kaja wa nga ai.

SHAKAWN KUNGDAWN 33:9

Shi ga shaga dat ai shaloi, mungkan ga byin pru wa sai; shi a hkang da ai mungga a jaw e, arai yawng mayawng dan pru wa sai.

EZEKELA 36:29

Ngai gaw nanhte hpe awu asin di ai arai yawng mayawng kaw na mung, nanhte hpe hkye hkrang la na nngai. Nanhte hta galoi mung hku wa n hkru u ga, nai mam ni law htam wa na matu ngai hkang da nngai.

HOSEA 14:4

Dai Madu gaw, “Nye a amyu masha ni hpe ngai hpang de woi la na nngai. Nye a myit masin mahkra hte shanhte hpe ngai tsaw ra na nngai; shanhte hpe ngai galoi mung masin pawt na nngai n rai.

MAHTE 8:3

Yesu gaw shi a lata ladawn nna, shi hpe ahtawk let, “Ngai hkraw nga nngai, san pra wa nu!,” ngu wu ai. Dai shaloi jang, shi a manggang ana san pra mat lu ai.

LUKA 4:39

Shi gaw numsha a yupku makau e shang tsap nga let, dai hkali hpe numsha kaw na pru mat na hkang da wu ai rai nna, shi a hkali kawp mat ai, shaloi jang shi rawt nna shanhte hpe galaw daw mu ai.

LUKA 5:12

Lang mi na mare langai mi hta shi nga nga yang, hkum ting manggang ana kap ai masha langai mi nga ai, dai wa gaw Yesu hpe mu jang, dingnyawm dagup nna, “Madu e, nang hkraw n yang gaw, ngai hpe shapra ya lu na rai nga ndai,” ngu nna hpyi nem wu ai.

LUKA 5:14

Shaloi Yesu gaw, “Dai lam kadai hpe mung n tsun dan ai sha, hkinjawng wa kaw ading tawk wa nna, na a hkum jep yu shangun u. Dai hpang nang mai mat sai lam masha shagu a man e sakse tai na matu Mawshe hkang da ai hte maren, hkungga wa nawng ya u,” ngu nna shi hpe ginhtim dat wu ai.