LUKA 5:1 - Jinghpaw Common Language Bible 2009

¹ Lani mi hta Yesu gaw, Genesaret nawng makau e tsap nga yang, shawa masha ni Karai Kasang a mungga madat na nga nna shi a man de lu tsap hkra kaput katut bang wa ma ai.

Jinghpaw Hanson Version Bible

¹ Kalang mi na, shawa masha ni gaw Karai Kasang a mungga madat na nga, shi kaw katut bang wa ma yang, Genesaret nawng makau e shi tsap nga ai rai nna,

LUKA 5:1 ပူးပေါင်းရင်းမြစ်များ

BU HKAWM 34:11

Dai kaw nna dingda maga Harbela de yu wa nhtawm Ain a sinpraw maga hku hprang, Galile Nawng a sinpraw hkin-gau ntsa na kawng marawn hku garet wa ai hte,

MAHTE 11:12

Hkalup Sara Yawhan hkaw tsun hpang ai ten kaw nna, ya ndai shani du hkra, sumsing lamu a Mungdan gaw kashun kashe dang lu n-gun lang ai ni gaw dai mungdan hpe kashun shing nyen la na matu shakut nga ma ai.

MAHTE 14:34

Shanhte nawng hpe rap kawt nna Genesaret mare de du ma ai.

MARKU 3:9

Shawa masha ni grai law nga ma ai rai nna Yesu gaw shi hpe n ahtu hkra mu ga nga, sape ni hpe shi a matu li kaji langai mi san shajin tawn da ya na hkang da wu ai.

MARKU 4:1

Bai Yesu gaw Galile Nawng makau e sharin shaga hpang wu ai. Shi kaw sa hpawng shinggrup nga ai shawa masha ni law la nga ma ai majaw, shi gaw nawng na li langai mi hta shang nna dai hta e dung nga ai. Shawa masha ni Yesu shaga ai nsen na lu na daram li hpe hkin-gau hte jahka tawn nna, shawa masha ni gaw nawng makau hkarang ntsa e nga nga ma ai.

MARKU 5:24

Shaloi Yesu gaw Yairu hte rau hkan nang sa wa ai. Masha wunawng kaba mung shi kaw hkan gumbawm nang nna shi hpe kanawng matep hkra mu ai.

MARKU 6:53

Shanhte nawng hpe rap nna Genesaret ngu ai danam de du ma yang, dai yang e shanhte a li hpe gyit dun kau da mu ai.

LUKA 12:1

Dai shaloi masha hkying mun hpawng kaput wa ai majaw shada da pyi kabye hkra hkra rai nga ma yang, shi a sape ni hpe, Yesu shawng tsun hpang mu ai gaw, “Hparishe ni a sawt ai myit ngu ai, matsi hpe koi gam nga mu.

LUKA 5:2

Shi gaw nawng hkin-gau e jahkring tawn ai li lahkawng hpe mu wu ai. Nga hkan ai ni chyawm gaw li kaw na pru nna shanhte a sumgawn ni hpe kashin nga ma ai.

LUKA 8:22

Lani mi hta, shi gaw shi a sape ni hte rau li langai mi hta shang nna, “Anhte nawng wora hkran de rap sa wa ga,” ngu nna shanhte hpe tsun mu ai. Shaloi shanhte rap sa wa magang ma ai.

LUKA 8:23

Shing rai shanhte rap sa wa nga yang, Yesu yup pyaw nga ai. Akajawng sha grai ja ai nbung laru langai mi dai nawng ntsa de bung hkrat wa nna, li hta hka hpring wa nga ai majaw, shanhte lup magang wa nga ma ai.

LUKA 8:33

Dai rai nna nat ni gaw, dai masha kaw na pru nna, wa ni hta shang ma ai. Shaloi dai wa wunawng ting gaw dai n gam mahka kaw nna nawng de gat ru bang wa nna, marit si mat ma ai.

LUKA 8:45

Shaloi Yesu gaw, “Ngai hpe ahtawk ai kadai rai ta?,” nga nna san ai. Nlang hte ndang nga ma yang, Petru gaw, “Madu e, grup yin chyat nga ai shawa masha ni nang hpe htu kanawng matep nga ma ai majaw rai nga ai,” ngu wu ai.

YAWHAN 1:40

Yawhan tsun ai ga na nna, shi kaw hkan sa ai yan hta na langai mi gaw Simun Petru a kanau Andre rai nga ai.

YAWHAN 6:1

Dai hpang Yesu gaw Tiberi ngu ai Galile nawng wora hkran de rap sa wa ai.

TARA JAHPRANG 3:17

Sinna maga de na shanhte a lamu ga jarit gaw Yawdan hka htep maden nga ai hte dingdung maga Galile Nawng kaw nna dingda de Jum Nawng, bai sinpraw hkran Pisga bum lagaw du hkra chyawm gaw Rubin hte Gad amyu bawsang ni hpe ngai jaw ya se ai.

HEBRE 13:7

Nanhte hpe Karai Kasang a mungga tsun dan lai wa sai shawng de na nanhte a lam woi ningshawng ni hpe myit dum nga mu. Shanhte kaning rai asak hkrung nna gara hku si wa masai hpe amyit dum nga nna, shanhte a makam masham hpe len ningli la nga mu.

YAWSHU 12:3

Galile Nawng nga ai Yawdan Kadit kaw nna (Jum Nawng a sinpraw) dingda maga shanang sa ai Bet Yeshimot de du hkra hte Pisga bum lagaw htep lawm nga ai.

YAWSHU 13:27

Yawdan Kadit hta de ai Bet Haram, Betnimra, Suhkot, Zahpon mare ni hte Heshbon Hkawhkam Sihon a mungdan lamu ga ngam ni lawm nga ai. Sinna maga de na shanhte a lamu ga jarit gaw Yawdan hka a dingdung Galile Nawng du hkra rai nga ai.