LUKA 4:7 - Jinghpaw Common Language Bible 2009

⁷ Nye a man e ngai hpe nang nawku n yang gaw; ndai yawng na a tai na ra ai,” ngu nna shi hpe tsun wu ai.

Jinghpaw Hanson Version Bible

⁷ dai re ai majaw, nye man e nang nawku n yang gaw, ndai yawng mayawng na a tai na ra ai, ngu nna shi hpe tsun wu ai.

LUKA 4:7 ပူးပေါင်းရင်းမြစ်များ

SHAKAWN KUNGDAWN 72:11

Hkawhkam ni yawng hte gaw shi a man e, dingnyawm wa na mara ai; amyu masha ni yawng hte mung shi hpe daw jau na mara ai.

ESAIA 45:14

Dai Madu gaw Israela hpe, “Egutu hte Ehtiopi mung na sut gan ni gaw na a rai na ra ai, hkum shingyan galu ai Seba masha ni gaw na a mayam ni tai na mara ai; shanhte gaw nang kaw hpri sumroi gyit ai hte hkan nang na mara ai. Shanhte gaw na a man e gum dagup nna mara hpyi nem let, ‘Karai Kasang gaw nang hte rau rai nga ai, shi chyu sha Karai Kasang rai nga ai.

ESAIA 46:6

Amyu masha ni gaw shanhte a tingsan hpaw nna aja ru bang ma ai; shanhte gaw joi jang ni hta gumhpraw shen ma ai. Shanhte gaw karai langai galaw na matu ja janghkam hpe saw shaga ma ai; dai hpang shanhte gaw dai hpe gum dagup let nawku ma ai.

MAHTE 2:11

Shanhte dai nta hta e shang bang wa ma yang, dai ma kaji hte kanu Mari hpe shanhte mu mu ai rai nna, lahput hput di let shi hpe nawku mu ai. Tinang a sut sumpu hpaw nna, shi hpe aja, lawban, mura ngu ai kumhpa ni sak jaw mu ai.

LUKA 17:16

Yesu a lagaw nhpang e dingnyawm dagup let, shi a chyeju hpe shakawn ya wu ai, dai wa gaw Samari masha rai nga ai.

LUKA 4:6

“Ndai ahkang aya mahkra hte, de a hpung shingkang sutgan mahkra ngai nang hpe jaw na de ai; dai gaw ngai hpe ap ya ni ai rai nna, ngai jaw mayu ai wa kadai hpe mung jaw lu nngai.

LUKA 4:8

Yesu gaw, “Dai Madu na a Karai Kasang hpe nang nawku lu na rai nna, shi hpe hkrai daw jau lu na ndai nga nna ka da nga ai,” ngu nna htan wu ai.

LUKA 8:28

Dai wa gaw Yesu hpe mu jang, jahtau nna shi a man e dingnyawm dagup let, “Tsaw Htum ai Karai Kasang a Kasha Yesu e, nang ngai hte hpa daw nga a ta? Nang ngai hpe n zingri n ga, ngai nang hpe hpyi nem nga nngai,” ngu nna marawn tsun wu ai.

SHINGRAN 22:8

Ngai Yawhan gaw, ndai lam ni yawng hpe na lu ai hte mu lu ai wa rai nga nngai. Ndai hte hpe mu lu ai hte na lu ngut jang, ndai lam ni ngai hpe madun dan ai lamu kasa a lagaw nhpang e, shi hpe nawku na matu ngai dingnyawm dagup nngai.

SHINGRAN 4:10

dai salang hkun mali mung, tingnyang hta dung nga nna htani htana prat dingsa ahkrung nga ai wa hpe dingnyawm nawku ma ai. Shanhte gaw, dai tingnyang a man e janmau ni hpe raw tawn da nna,

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai. Shanhte langai hte langai gaw tingse hte Karai Kasang a masha ni a akyu hpyi ai ga ngu ai manam pyaw ai baw hte hpring chyat nga ai ja gawm ni hpe mung lang nga ma ai.