LUKA 4:41 - Jinghpaw Common Language Bible 2009

⁴¹ Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai. Shi Meshia rai nga ai hpe shanhte chye ma ai majaw, ga n tsun shangun lu hkra, Nat ni hpe Yesu jet kau mu ai.

Jinghpaw Hanson Version Bible

⁴¹ Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai: shi Hkristu rai nga ai hpe shanhte chye ma ai majaw, ga n tsun lu hkra, shanhte hpe jet kau mu ai.

LUKA 4:41 ပူးပေါင်းရင်းမြစ်များ

MAHTE 26:63

Yesu mahtang atsin sha nga nga ai. Bai Hkinjawng Agyi Kaba wa gaw, “Nang gaw Karai Kasang a Kasha ngu ai Meshia rai nga ndai kun? Anhte hpe tsun dan mi ga, ngu nna ahkrung nga ai Karai Kasang a mying nsang hta ya ngai nang hpe dagam da de ai,” ngu nna shi hpe tsun wu ai.

MAHTE 4:3

Shaloi, dai gunglau ai Nat shi kaw du nna, “Nang Karai Kasang a Kasha rai n-yang gaw, ndai nlung ni hpe muk tai mu ga, tsun u!,” ngu wu ai.

MAHTE 8:16

Ya shana de du yang, masha ni gaw nat kap ai ni law law hpe Yesu hpang de woi sa wa mu ai rai nna, ga hte sha, dai nat ni hpe shi shaden kau mu ai; machyi makaw hkrum ai ni yawng hte hpe mung shamai ya mu ai.

MAHTE 8:29

Shaloi jang shan gaw, “Karai Kasang a Kasha e, an nang hte hpa seng nga ga ta? Aten garai n du yang, an hpe ari jaw na nang sa du rin ni?,” ngu nna jahtau tsun mu ai.

MAHTE 8:4

Shaloi Yesu gaw, “Madat u! Ndai lam kadai hpe mung hkum tsun dan et, pru wa nhtawm na a hkum hkinjawng agyi wa hpe jep yu shangun u; dai hpang, nang san pra mat sai lam shanhte a man e sakse tai u ga, Mawshe hkang tawn da ai hkungga nawng ya u,” ngu shi hpe tsun wu ai.

MARKU 1:25

Shaloi Yesu gaw, “Atsin sha nga u, shi kaw na pru mat wa u!,” ngu nna shi hpe daru kau wu ai.

MARKU 1:32

Ya, jan shang wa ai hpang shana ahkying du jang, masha ni gaw machyi makaw hkrum ai ni hte nat kap ai masha ni yawng hte hpe Yesu kaw woi sa ma ai.

MARKU 1:34

Yesu gaw ana ahkya amyu myu hte machyi ai masha law law hpe shamai ya nna, nat law law hpe mung shaden kau mu ai. Shi kadai rai nga ai hpe shanhte chye nga ma ai majaw, shi shanhte hpe ga tsun na ahkang n jaw mu ai.

MARKU 3:11

N seng ai nat kap ni masha ni Yesu hpe mu shagu, shi a man e dingnyawm dagup nna, “Nang gaw Karai Kasang a Kasha rai nga ndai!,” nga nna kyek jahtau ma ai.

LUKA 4:39

Shi gaw numsha a yupku makau e shang tsap nga let, dai hkali hpe numsha kaw na pru mat na hkang da wu ai rai nna, shi a hkali kawp mat ai, shaloi jang shi rawt nna shanhte hpe galaw daw mu ai.

YAWHAN 20:31

Rai ti mung, Yesu gaw Karai Kasang a Kasha ngu ai Meshia rai nga ai hpe, nanhte kam sham lu nna, shi hpe kam sham ai a marang e asak hkrung ai lu la myit ga, ngu nna ndai hte wa ka tawn da nga ai.

YAKU 2:19

Karai Kasang langai sha nga ai hpe nang kam n ni? Rai sa, mai kaja nga ai! Nat ni mung kam sham nga nna hkrit gari nga ma ai.