LUKA 4:36 - Jinghpaw Common Language Bible 2009

³⁶ Dai majaw masha yawng gaw mau mahka nga ma ai rai nna, “Ndai ga gaw kaning nga ai ga re ai i? Daru magam ahkang hte mung, n-gun atsam hte mung, n san n seng ai nat ni hpe hkang dat yang shanhte pru mat wa ma ai,” nga nna shanhte shada da tsun hkat ma ai.

Jinghpaw Hanson Version Bible

³⁶ Dai majaw nlang hte gaw mau mahka nga ma ai rai nna, “Ndai ga gaw kaning re ai ga re ai i? daru magam ahkang hte mung, n-gun atsam hte mung, n san n seng ai nat ni hpe shi htet da nna shanhte pru mat wa ma ai,” nga nna shada da tsun hkat ma ai.

LUKA 4:36 ပူးပေါင်းရင်းမြစ်များ

MAHTE 9:33

Rai ti mung, dai nat hpe shaden kau ai shaloi jang n chye shaga ai wa gaw shaga lu ai. Masha shagu mung mau nga ma ai hte, “Israela amyu hta ndai zawn re ai, galoi mung n mu yu ga ai!,” nga ma ai.

MARKU 1:27

Masha ni yawng mung mau mahka mat nna, “Ndai gaw hpa rai nga a ta? Sharin shaga ai lam ningnan lama mi rai nga a ni? Ndai masha wa hta n seng ai nat ni hpe hkang da ai lam ni jaw na daru magam ahkang aya nga nga ai rai nna, shanhte shi hpe madat mara nga ma ai,” nga nna shada da tsun ma ai.

MARKU 7:37

Dai byin ai lam hpe na lu ai masha yawng mayawng gaw nachying wa mau mahka mat ma ai rai nna, “Shi gaw lam yawng mayawng hte hpe mai kaja ai hku galaw lu nga ai! Na lahpang ai ni hpe na lu shangun nna, n chye shaga ai ni hpe ga tsun shangun lu ai!,” nga nna tsun shajang ma ai.

LUKA 2:18

Sagu rem ai ni tsun kajai dan ai ga na mana ni mung, dai ga a majaw mau ma ai.

LUKA 4:32

Shi sharin shaga ai lam hpe shanhte yawng mau nga ma ai. Hpa majaw nga yang, shi gaw daru magam ahkang aya lu ai ga hte shaga nga ai.

1 PETRU 3:22

Yesu Hkristu gaw sumsing lamu de lung mat wa nhtawm, Karai Kasang a hkra maga de anga nga ai rai nna lamu kasa ni yawng hte sumsing lamu na ahkang aya lu ai ni hte, hpung dagu rawng ai ni yawng hpe up hkang nga ai.