LUKA 4:35 - Jinghpaw Common Language Bible 2009

³⁵ Shaloi Yesu gaw, “Atsin sha nga u, shi kaw na pru mat wa u,” ngu nna shi hpe daru kau wu ai. Dai rai nna nat gaw dai wa hpe shanhte a ka-ang e kadawng kau tawn da nhtawm, hkala nba n di ai sha, shi kaw na pru mat wa ai.

Jinghpaw Hanson Version Bible

³⁵ Shaloi Yesu gaw, “Atsin sha nga u, shi kaw na pru wa u,” ngu nna shi hpe daru kau wu ai. Dai rai nna Nat gaw dai wa hpe ka-ang e kadawng kau tawn da nhtawm, hkala nba n di ai sha, shi kaw na pru mat wa ai.

LUKA 4:35 ပူးပေါင်းရင်းမြစ်များ

SHAKAWN KUNGDAWN 50:16

Rai ti mung, Karai Kasang gaw n hkru ai wa hpe, “Nang hpa majaw nye a hkang da ai ga ni hpe hti shakrai nga na rai ta? Nang hpa majaw nye a ga shaka lam ni hpe tsun nga na rai ta?

ZEHKARIA 3:2

Dai Madu a lamu kasa gaw Satan hpe, “Satan e, dai Madu nang hpe daw dan u ga! Yerusalem hpe tsaw ra ai dai Madu gaw nang hpe daw dan u ga! Ndai masha wa gaw wan hta na gare shaw la ai wan nhtaw langai zawn rai nga ai,” ngu nna tsun wu ai.

MAHTE 17:18

Yesu gaw dai nat hpe daru kau wu ai rai nna, dai ma gaw shaloi jang mai mat lu ai.

MAHTE 8:26

Shi gaw, “Kam sham myit n law la ai ni e, hpa rai hkrit nga myit ta?,” ngu nna shanhte hpe tsun mu ai. Shaloi shi rawt nna nbung ni hte hkaleng ni zim mat na matu hkang da wu ai, shing rai nachying atsin sim rai nga ai.

MARKU 1:26

N seng ai nat gaw dai masha hpe aja wa bu lashan shangun nna, nsen kaba hte kyek jahtau let shi kaw na pru mat wa ai.

MARKU 4:39

Dai majaw shi rawt tsap nna nbung hpe, “Atsin sim rai nga u!,” ngu nna hkang dat wu ai hte hkaleng ni hpe mung, “Sim mat u!,” ngu wu ai. Dai nbung num mat wa nna dai yang e akatsi sha rai mat wa ai.

MARKU 9:26

Nat gaw marawn shabam wa ai hte, ma hpe aja awa bu lashan shangun nhtawm, pru mat wa ai, dai ma mung, si mang langai mi zawn san mat ai hte masha shagu gaw, “Shi si mat sai,” ngu shajang ma ai.

LUKA 11:22

Rai ti mung, shi hta n-gun grau ja ai wa sa gasat nna dang kau ngut jang she, shi kam hpa nga ai laknak ni hpe magawn la kau ya na ra ai. Shi shawng de la tawn ai lanep rai ni hpe mung karan kachyan di la kau ya na ra ai.

LUKA 4:23

Shi gaw, “Nanhte ngai hpe, tsi sara wa e, na hkum hpe shawng shamai la u, nga ai ga malai hte tsun na marin dai. Kaperna-um mare hta nang galaw ai nga anhte na ai amu ni hpe na a buga kahtawng hta mung galaw dan u nga nna mung, ngai e nanhte tsun na marin dai,” ngu nna shanhte hpe tsun mu ai.

LUKA 4:39

Shi gaw numsha a yupku makau e shang tsap nga let, dai hkali hpe numsha kaw na pru mat na hkang da wu ai rai nna, shi a hkali kawp mat ai, shaloi jang shi rawt nna shanhte hpe galaw daw mu ai.

LUKA 4:41

Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai. Shi Meshia rai nga ai hpe shanhte chye ma ai majaw, ga n tsun shangun lu hkra, Nat ni hpe Yesu jet kau mu ai.

LUKA 8:24

Sape ni Madu kaw sa nhtawm, “Madu e, Madu e, anhte si na sha rai saga ai,” ngu nna shi hpe jasu mu ai. Shaloi shi rawt nna, nbung hte hkaleng ni hpe daru kau wu ai, dai ni mung sim mat wa nna, dai yang e atsin sim rai nga ai.

LUKA 9:39

Shi hta nat shung nna, akajawng sha shabam wa ai hte, hkumbawp pru hkra shi hpe bu shangun nna, machyi la hkra shatsang ngut jang she, grai yak la ai hte shi kaw na pru mat wa wa re ai.

LUKA 9:42

Dai la sha ma sa wa nga yang pyi, nat gaw shi hpe kadawng tawn nna htan gari shangun nga ai. Yesu gaw, dai n seng ai nat hpe ma kaw na pru mat na hkang dat ai hte dai ma hpe shamai ya nhtawm, kawa hpe bai ap ya wu ai.

SHINGRAN 12:12

Dai re ai majaw, sumsing lamu ni hte dai hta rawng nga ai ni e, kabu gara nga mu! Rai ti mung, ginding aga hte nammukdara chyawm gaw dingnye lu ma ai. Hpa majaw nga yang, nat gaw, shi a aten nhtoi loi sha ngam sai hpe chye wu ai majaw, n yun bu let nanhte hpang de yu wa sai,” nga nna tsun ma ai hpe ngai na nngai.