LUKA 4:32 - Jinghpaw Common Language Bible 2009

³² Shi sharin shaga ai lam hpe shanhte yawng mau nga ma ai. Hpa majaw nga yang, shi gaw daru magam ahkang aya lu ai ga hte shaga nga ai.

Jinghpaw Hanson Version Bible

³² shi sharin shaga ai lam hpe shanhte mau mat nga ma ai: kaning rai nme law, shi a ga gaw daru magam ahkang ga rai lu ai.

LUKA 4:32 ပူးပေါင်းရင်းမြစ်များ

MARKU 1:22

Shi a sharin shaga ai lam hpe na la ai masha ni gaw mau mat ma ai, hpa majaw nga yang, shi gaw tara sara ni zawn n rai, ahkaw ahkang atsam hte sharin shaga nga ai.

LUKA 2:47

Shi a ga na mana ni gaw, shi a bawnu hpaji kungzet ai ga san hte mahtai jaw ai lam ni a majaw mau nga ma ai.

LUKA 4:33

Shaloi dai tara jawng hta, n seng ai nat shung ai masha langai mi nga ai, dai wa gaw nsen kaba hte marawn jahtau nna;

LUKA 4:36

Dai majaw masha yawng gaw mau mahka nga ma ai rai nna, “Ndai ga gaw kaning nga ai ga re ai i? Daru magam ahkang hte mung, n-gun atsam hte mung, n san n seng ai nat ni hpe hkang dat yang shanhte pru mat wa ma ai,” nga nna shanhte shada da tsun hkat ma ai.

YAWHAN 6:63

Asak jahkrung ya ai gaw Karai Kasang a Wenyi rai nga ai; masha a n-gun atsam gaw hpa lam n la nga ai. Ngai nanhte hpe tsun ai ga ni gaw Karai Kasang a asak jaw ya ai Wenyi rai nga ai.

YAWHAN 7:46

Hpyenla ni gaw, “Ndai masha wa zawn nga nna sharin shaga ai kadai mung n nga yu ai,” ngu nna htan mu ai.

2 KORINHTU 4:2

Anhte gaw makoi magap ip da ai kaya kahpa amu nlang hte hpe rap di kau sagaw ai; anhte gaw hkalem hkalau ai hku n galaw ga ai, Karai Kasang a mungga hpe mung masu magaw gale galau n tsun ga ai. Anhte gaw Karai Kasang a man e dai teng man ai lam a nhtoi hta asak hkrung shamu shamawt nna masha hkum shagu a htauli htaula myit hte htap htuk ai hku nga ga ai.

1 HTESALONI 1:5

Hpa majaw nga yang, anhte gaw dai Kabu Gara Shiga hpe ga hte sha n rai, n-gun atsam hte mung, Chyoi Pra ai Wenyi hte mung, dai Kabu Gara Shiga a teng man ai hpe tsep kawp kam sham ai myit hte mung, nanhte hpang de la sa nna hkaw tsun ga ai. Anhte gaw nanhte hte rau nga nga ai ten hta, nanhte a mai kaja ai lam a matu mara anhte kaning rai asak hkrung hkawm sa saga ai lam, nanhte nan chye nga myit dai.

TITU 2:15

Nang gaw ndai lam ni hpe hkaw tsun sharin shaga u. Nang n-gun jaw shadum shahprang sharin shaga ai shaloi nang lu ai ahkang aya nga manga jai lang u; kadai mung nang hpe n gawn n sawn, n yu kaji mu ga.