LUKA 4:28 - Jinghpaw Common Language Bible 2009

²⁸ Dai tara jawng na ni yawng gaw, dai lam na jang, ja ja masin pawt bu ma ai.

Jinghpaw Hanson Version Bible

²⁸ Dai tara jawng na ni nlang hte gaw dai lam na jang, ja ja masin pawt bu ai hte,

LUKA 4:28 ပူးပေါင်းရင်းမြစ်များ

2 HKAWHKAM LABAU 16:10

Dai ga gaw Asa hpe masin grai pawt shangun nga ai rai nna myihtoi wa hpe htawng hta sharen da ma ai. Dai aten hta nan Asa gaw amyu masha nkau mi hpe mazut ai hku zingri hpang wa nu ai.

YEREMIA 38:6

Dai rai nna, shanhte gaw ngai hpe woi la nhtawm sumri hte gyit nna hkawhkam wang kata hkawhkam kasha Malhkiya a hka htung kata de ngai hpe shayu dat ma ai. Dai hka htung hta hka n rawng nga ai, hkumpup hkrai rai nga nna, ngai gaw dai hta lup nga nngai.

MAHTE 2:16

Sinpraw mung na hpaji rawng ai ni shi hpe hkalem mat wa sai lam Herod dum chye wu ai shaloi, shi ja ja masin pawt bu nga ai. Dai rai nna hpaji rawng ai ni kaw na shi san sagawn la tawn ai aten ladaw hpe sawn la nna Betlehem hte de a grup yin kahtawng hkan na asak lahkawng ning kaw nna lawu grit re ai lasha ma kaji nlang hte hpe sat kau na hkang dat wu ai.

LUKA 4:27

Myihtoi Elisha a prat hta mung, Israela amyu hta manggang kap ai masha law law nga ma ai, rai ti mung, shanhte hta na langai mi mung san pra wa lu ai n rai; Suri masha Naman ngu ai wa chyu sha pra wa lu ai,” ngu mu ai.

LUKA 4:29

Shanhte rawt nna, Yesu hpe mare shinggan de dun garawt shapraw kau nhtawm, shanhte a mare de da ai bum pungding na n-gam mahka kaw nna shi hpe kanawng jahkrat kau na woi dun sa wa mu ai.

LUKA 6:11

Shanhte chyawm gaw myi di lahpang pawt bu nna, “Yesu hpe kaning di na rai nga a ta?,” nga nna shanhte shada tsun ginrawn hkat nga ma ai.

KASA 5:33

Kongsi hpawng hta lawm ai ni dai ga na jang shanhte ja ja masin pawt bu nna kasa ni hpe shanhte sat kau mayu da mu ai.

KASA 7:54

Yuda tara kongsi hpung hta lawm ai ni gaw Stehpan a ga hpe na jang masin nachying pawt nna wa wudik let yu da mu ai.