LUKA 4:22 - Jinghpaw Common Language Bible 2009

²² Shanhte yawng shi a lam tsun shakawn ai hte, shi a n-gup hta na pru ai chyeju ga ni a majaw mau nga nna, “Ndai wa gaw Yosep a kasha n rai nga a ni?,” nga nna tsun shajang ma ai.

Jinghpaw Hanson Version Bible

²² Nlang hte gaw shi a lam sakse hkam ya ai hte, shi a n-gup hta na pru ai chyeju ga majaw mau nga nna, “Ndai wa gaw Yawsep a kasha n rai nga a ni?” nga nna tsun shajang ma ai.

LUKA 4:22 ပူးပေါင်းရင်းမြစ်များ

SHAKAWN KUNGDAWN 45:2

Nang gaw lasha ni hta ahpraw tsawm htum ai wa rai nga ndai; nang gaw ga shaga ningtam rawng ai wa rai nga ndai. Dai majaw Karai Kasang nang hpe tut nawng shaman ya nit dai.

SHAKAWN KUNGDAWN 45:4

Teng man ai hte rap ra ai tara hpe makawp maga let awng dang ai kaw du hkra, hpung shingkang hta jawn sa wa u! Na a n-gun gaw nang hpe galu kaba ai awng padang ninglaw ni hpe hkam la shangun na ra ai.

GA SHAGAWP 10:32

Ding hpring ai masha ni gaw shi tsun shaga ang ai lam hpe chye nga ai; tara n lang ai ni chyawm gaw tut nawng e, masin achyaw ga hpe atsun nga ai.

GA SHAGAWP 16:21

Hpaji rawng nna kung hpan ai myit rawng ai wa gaw shi a hkawn hkrang ai myit nyan hpaji hta gumhkawng nga ai; shi a n-gup aga grau ngwi pyaw magang, amu magam bungli hpe grau nna woi awn lu magang rai nga ai.

GA SHAGAWP 25:11

Myit mang kaja hpe tup hkrak chye shaleng tsun lu ai gaw, gumhpraw hta ja ginshi sup da ai kasi hte bung nga ai.

HPAJI NINGLI 10:12

Hpaji rawng ai wa tsun ai ga gaw shi hpe shagrau sha-a hkam la shangun nga ai; rai ti mung angawk ai wa chyawm gaw shi tsun ai ga ni a majaw hten byak nga ai.

Shawlumon A Mahkawn Ga 5:16

Shi a n-gup gaw pup yang dwi nga ai, shi hte seng ai lam magup gaw ngai hpe shalen la nga ai. Yerusalem numsha ni e, dai lam ni gaw nye a tsaw ra hte bung nga ai.

ESAIA 50:4

Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

LUKA 2:47

Shi a ga na mana ni gaw, shi a bawnu hpaji kungzet ai ga san hte mahtai jaw ai lam ni a majaw mau nga ma ai.

LUKA 2:48

Shi hpe mu jang shan mau mat ma ai rai nna, shi a kanu gaw, “Ngai sha e, hpa rai an e ning di mi ta? Yu u, na nwa hte an grai myit ru myit tsang ai hte nang hpe hkan tam nga ga ai,” ngu nna shi hpe tsun mu ai.

LUKA 21:15

Hpa majaw nga yang, nanhte tsun ai ga hpe nanhte a hpyen ni n lu dangrang, n lu tsun ninghkap hkra kaning ngu tsun na ngu ai ga ni hte nyan hpaji ngai nanhte hpe jaw na made ai.

LUKA 4:21

Shi gaw, “Ndai laika hta ka da ai ga hpe ya hti dan ai shaloi, nanhte na lu ai hte maren dik wa sai,” ngu nna shanhte hpe ga tsun hpaw wu ai.

YAWHAN 1:45

Hpilip gaw Nahtanela hpe mu nna, “Mawshe gaw Tara Laika ni hta, myihtoi ni mung myihtoi laika ni hta, sha-ang nna ka da ai, Yosep a kasha Nazaret mare na Yesu hpe anhte mu sagaw ai,” ngu nna shi hpe tsun dan wu ai.

YAWHAN 6:42

Dai rai nna shanhte gaw, “Ndai wa gaw Yosep a kasha Yesu n rai nga a ni? Shi a kanu yan kawa hpe anhte chye gaw ai n rai ni? Dai re ai mi, ya shi, ‘Ngai gaw sumsing lamu de nna yu wa nngai,’ nga nna kaning rai tsun lu a ta?,” nga ma ai.

YAWHAN 7:46

Hpyenla ni gaw, “Ndai masha wa zawn nga nna sharin shaga ai kadai mung n nga yu ai,” ngu nna htan mu ai.

KASA 6:10

Rai ti mung Stehpan gaw dai Wenyi e jaw ya ai nyan hpaji hte tsun shaga ai majaw shanhte shi hpe n dang lu mu ai.

TITU 2:8

Na a hpyen ni gaw nanhte hpe hpa lam hta mung mara n mu tam ai majaw kaya hkrum mu ga, nang gaw masha ni a mara shagun n hkrum hkra teng man ai ga ni hte shadum sharin nga u.