LUKA 4:15 - Jinghpaw Common Language Bible 2009

¹⁵ Shanhte a tara jawng ni hta shi sharin shaga ya nna, masha yawng mayawng gaw shi hpe shagrau sha-a ma ai.

Jinghpaw Hanson Version Bible

¹⁵ Shanhte a tara jawng ni hta shi sharin shaga ya nna, nlang hte gaw shi hpe shagrau sha-a ma ai.

LUKA 4:15 ပူးပေါင်းရင်းမြစ်များ

ESAIA 55:5

Ya chyawm gaw, nang gaw nang hpe lang mi mung n chye ai maigan masha amyu baw ni hpe nang shaga ai hte shanhte nang hte matut na matu kagat shang wa na mara ai! Ngai gaw dai Madu na a Karai Kasang, Israela a chyoi pra ai Karai Kasang rai nga nngai, ndai yawng mayawng hpe ngai shabyin dat na nngai; ngai gaw nang hpe arawng sadang hte hpung shingkang ap ya na nngai,” ngu nna tsun ai.

MAHTE 13:54

shi a buga mare de du wa ai. Tara jawng ni hta shi hkaw tsun sharin shaga mu yang, na la ai ni yawng mau mat ai hte, “Ndai wa gaw ning re ai hpaji byeng-ya hte lamik kumla daru magam atsam kanang na lu wu hka!

MAHTE 4:23

Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 9:35

Dai hpang Yesu gaw, mare kahtawng shagu hkan e kawan hkawm nna, shanhte a tara jawng ni hta sharin shaga ya ai hte sumsing lamu Mungdan a Kabu Gara Shiga hpe hkaw dan let, ana ahkya amyu myu hte, machyi makaw amyu myu hpe shamai shatsai ya mu ai.

MAHTE 9:8

Dai hpe mu ai shawa masha ni, hkrit kamyin nga ma ai rai nna, shinggyim masha ni hpe ning re ai ahkaw ahkang jaw ai Karai Kasang hpe shakawn shagrau nga ma ai.

MARKU 1:27

Masha ni yawng mung mau mahka mat nna, “Ndai gaw hpa rai nga a ta? Sharin shaga ai lam ningnan lama mi rai nga a ni? Ndai masha wa hta n seng ai nat ni hpe hkang da ai lam ni jaw na daru magam ahkang aya nga nga ai rai nna, shanhte shi hpe madat mara nga ma ai,” nga nna shada da tsun ma ai.

MARKU 1:39

Shing rai shi gaw Galile mung ting kawan hkawm nna tara jawng ni hta hkaw tsun dan let nat ni hpe shaden kau mu ai.

MARKU 1:45

Rai ti mung dai masha wa gaw pru mat wa nna dai shiga hpe shara shagu aja awa hkai dan ai hte kajai gumhkawng dat wu ai rai nna Yesu gaw mare kata de dan dan leng leng n shang lu wu ai. Mare de shang na malai, masha katsi ai shara hkan e nga nga ai: shara magup hkan na masha ni mung shi kaw sa du ma ai.

LUKA 13:10

Bansa Nhtoi e Tara Jawng langai mi hta, Yesu sharin shaga nga ai.

LUKA 4:16

Shaloi shi nga kaba wa ai Nazaret mare de du wa ai; shi a htung hte maren, Yuda Bansa shani e dai tara jawng de shi sa nna laika hti na rawt wu ai.