LUKA 3:38 - Jinghpaw Common Language Bible 2009

³⁸ Kainam gaw Enusha a kasha; Enusha gaw Shet a kasha; Shet gaw Adam a kasha; Adam gaw Karai Kasang a kasha rai nga ai.

Jinghpaw Hanson Version Bible

³⁸ Kainan gaw Enu a kasha; Enu gaw Shet a kasha; Shet gaw Adam a kasha; Adam gaw Karai Kasang a kasha rai nga ai.

LUKA 3:38 ပူးပေါင်းရင်းမြစ်များ

NINGPAWT NINGHPANG 2:7

Dai hpang dai Madu Karai Kasang gaw aga kaw nna ga loi mi hpe la nhtawm dai hte shinggyim hkrang shachyaw wu ai; shi a ladi hta hkrung ai nsoi nsa hpe shi kawut bang ya wu ai hte dai shinggyim masha gaw hkrung hpang wa nga ai.

NINGPAWT NINGHPANG 4:25

Adam hte shi a madu jan hta kaga shadang sha bai lu ma ai. Madu jan gaw, “Karai Kasang gaw Ka-in e sat kau ai Abela a shara hta shadang sha langai jaw ni ai,” ngu nna tsun wu ai. Dai rai nna shi hpe Shet ngu nna shamying wu ai.

NINGPAWT NINGHPANG 4:26

Shet mung shadang sha langai lu ai rai nna shi hpe Enusha ngu nna shamying wu ai. Dai aten kaw nna nawku daw jau ai hta dai Madu a chyoi pra ai mying ningsang hpe amyu masha ni lang hpang wa masai.

ESAIA 64:8

Rai ti mung, nang gaw dai Madu anhte a kawa rai nga ndai. Anhte gaw kagam ga hte bung ga ai, nang gaw di bu sama wa hte bung nga ndai. Nang anhte hpe hpan da ndai,

LUKA 3:37

Lamek a kasha; Lamek gaw Mahtusela a kasha; Mahtusela gaw Enuk a kasha; Enuk gaw Yared a kasha; Yared gaw Mahalalela a kasha; Mahalalela gaw Kainam a kasha;

LUKA 4:1

Yesu gaw Chyoi Pra Ai Wenyi hpring let, Yawdan hka nna bai wa yang, dai Wenyi e nam mali de woi sa wa wu ai.

1 KORINHTU 15:45

Chyum laika hta tsun ai hte maren, “Shawng na masha Adam gaw asak hkrung ai shinggyim masha hku nna hpan da hkrum sai,” rai ti mung, hpang jahtum na Adam chyawm gaw, asak jahkrung ya ai Wenyi rai nga ai.

1 KORINHTU 15:47

Shawng na masha Adam gaw ga hte hpan da ai rai nna, dinghta ga na rai nga ai; hpang na Adam chyawm gaw sumsing lamu na du sa ai rai nga ai.