LUKA 3:20 - Jinghpaw Common Language Bible 2009

²⁰ Dai hpang, Herod gaw Yawhan hpe rim la nna htawng hta sharen da ai hte shawng de na hta grau sawng ai mara galaw wu ai.

Jinghpaw Hanson Version Bible

²⁰ dai mara yawng a ntsa e bai kahtap nna, Yawhan hpe htawng hta sharen da wu ai.

LUKA 3:20 ပူးပေါင်းရင်းမြစ်များ

2 HKAWHKAM 21:16

Manashe gaw mara n kap ai amyu masha law law hte hpe sat kau wu ai majaw Yerusalem nmaw lam hkan sai hka lwi nga ai. Yuda amyu masha ni hpe hpara sumla nawku ai lai de woi sa wa nna dai Madu hpe shut kau na lam shanhte hpe jat nna shi woi galaw nga ai.

2 HKAWHKAM LABAU 36:16

Rai ti mung shanhte gaw Karai Kasang a kasa ni hpe asawng asang di nhtawm Karai Kasang a mungga hpe n kaw n law di nna shi a myihtoi ni hpe mani asawng kau mu ai majaw hpang jahtum dai Madu gaw shi a amyu masha ni hpe lawt lam htum mat hkra masin kahtet bu nga ai.

NEHEMIA 9:26

“Rai ti mung na a amyu masha ni gaw nang hpe gumlau hte na a ga n madat nga ma ai; shanhte gaw na a Tara hpe shingdu dat kau ma ai. Shanhte gaw sadi jaw ai myihtoi ni hpe mung, nang hpang de kayin wa na matu tsun ai ni hpe mung sat kau ma ai. Shanhte gaw nang hpe aten mi hte aten mi n kaw n law di ma ai,

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.

MAHTE 4:12

Yawhan hpe htawng hta rim bang da ai lam Yesu na wu yang, shi Galile mung de htawt sa mat wa ai.

YAWHAN 3:24

(Dai ten hta Yawhan gaw htawng hta jahkrat bang kau ai garai n hkrum wu ai.)

SHINGRAN 16:6

Shanhte gaw Karai Kasang a masha ni hte myihtoi ni a asai hkaw kau ma ai majaw, nang shanhte hpe asai bai lu shangun mu ai. Dai gaw shanhte hta hkrum ging ai hpe hkrum sha ai lam rai nga ai,” nga nna tsun ai hpe ngai na nngai.