LUKA 3:17 - Jinghpaw Common Language Bible 2009

¹⁷ Shi a lata hta shi hkuwawn lang nna shi a mam ni mahkra hpe yit jasan kau nhtawm, mam gu hpe shi a dum hta shinggyin da na ra ai, nsan hpe chyawm gaw galoi mung n krip ai wan hta nat kau na ra ai,” ngu nna shanhte hpe tsun mu ai.

Jinghpaw Hanson Version Bible

¹⁷ shi a lata hta shi hkuwawn lang nna, shi a mam chyarang hpe yit jasan kau nhtawm, mam gu hpe shi dum hta shinggyin bang da nna, nsan hpe gaw n sat lu ai wan hte nat kau na ra ai,” ngu nna mahkra hpe htan mu ai.

LUKA 3:17 ပူးပေါင်းရင်းမြစ်များ

SHAKAWN KUNGDAWN 1:4

Rai ti mung, n hkru ai masha ni gaw dai zawn n rai; shanhte gaw nbung e shapoi ai numhkaw hte bung nga ma ai.

ESAIA 30:24

Nanhte a yi hkauna galau ya nga ai dumsu ni hte lawze ni gaw tsawm htum ai hte kaja htum ai ushat sha lu na mara ai.

YEREMIA 15:7

Ngai gaw nang hpe mungdan na mare shagu hta nbung e shapoi hkrum ai yihku zawn kabai kau nngai. Nye a amyu masha ni e, ngai nang hpe jahten sharun kau nngai, nang gaw na a n hkru ai lam ni hpe n jahkring da nga ndai majaw, na a kashu kasha ni hpe ngai sat kau ni ai.

MIHKA 4:12

Rai ti mung, dai masha amyu baw ni gaw dai Madu a myit kraw kata hta hpa baw myit mang nga ai lam hpe n chye nga ma ai. Hkauling hpe kabye shinggyin la ai zawn shanhte hpe ari jaw na matu shinggyin hpawng da ai lam hpe shanhte myit n hkawn nga ma ai.

MAHTE 13:30

Dai majaw, dai lahkawng yan nmut ta du hkra, rau tu kaba wa mu ga; nmut ta du jang, tsing hpe shawng dan mahkawng nna, nhtan nhtawm wan hta nat kau mu; dai mam hpe chyawm gaw, nye a dum hta e mahkawng da mu, ngu nna mam dan ai ni hpe ngai tsun na mawe ai,’” ngu mu ai.

MAHTE 3:12

Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.

LUKA 3:18

Shingrai Yawhan gaw, kaga lam amyu myu hku nna mung, dai Kabu Gara Shiga hkaw tsun ai hte shanhte a lam ni galai shai wa shangun na matu shadum jahprang da mu ai.