LUKA 3:14 - Jinghpaw Common Language Bible 2009

¹⁴ Hpyenla ni mung, “Anhte wa gaw kaning rai na rai ta? Anhte hpa rai ta?,” nga nna shi hpe san ma ai. Shi gaw, “Kadai wa kaw na mung adip arip di nna, gumhpraw hkum kashun la myit, n tara ai hku mara hkum shagun myit, nanhte lu ai shabrai hte myit dik dum nga mu,” ngu nna shanhte hpe tsun mu ai.

Jinghpaw Hanson Version Bible

¹⁴ Hpyen masha ni mung, “Anhte wa gaw kaning rai na rai ta?” nga nna shi hpe san ma ai. Shi gaw, “Kadai hpe mung adip arip hkum rai myit: jahkrit shama sha ai mung hkum rai myit; nanhte a shabrai hte ram dum nga mu,” ngu nna shanhte hpe tsun mu ai.

LUKA 3:14 ပူးပေါင်းရင်းမြစ်များ

PRU MAT 20:16

“Kadai hpe mung n teng n man ai hku mara hkum shagun et.

PRU MAT 23:1

“N teng n man ai shiga hkum htawn shamawng et; mara kap ai wa hpe n teng n man ai sakse hkam nna hkum karum la et.

JAW JAU 19:11

“Masha arai hkum lagu; maw sha mawp sha ai hte masu magaw ga hkum tsun myit.

MAHTE 8:5

Kaperna-um mare de shang bang wa yang, hpyen ma latsa hpe up ai hpyen du langai mi shi kaw sa du nna,

LUKA 19:8

Zake rawt tsap nna, “Madu e, nye a sut rai ka-ang hkup matsan mayan ni hpe ngai garan jaw na we ai; bai langai ngai hpe ngai mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

LUKA 3:10

Shaloi shawa masha ni, “Dai rai taw gaw, anhte kaning rai na rai ta?,” nga nna shi hpe san ma ai.

LUKA 3:13

Shi gaw, “Nanhte hta la na shadang tawn ai hta jan nna hkum hta la myit,” ngu nna shanhte hpe tsun mu ai.

KASA 10:7

Dai lamu kasa wa mat ai hpang Korneli gaw shangun ma lahkawng hte shi kaw tut hkan nga ai ni hta na tara hkungga ai hpyen la langai mi shaga la nna,

HPILIPI 2:15

Shing rai yang she nanhte gaw arawn alai hten run nna yubak lu ai ni nga ai ndai mungkan hta mara n kap nna myit masin san seng ai Karai Kasang a kashu kasha majing ni zawn tai wa na myit dai. Shing rai nanhte gaw asak jahkrung ya ai mungga hpe hkaw tsun nga let lamu ting hpe jahtoi ya ai ahtoi hkum ni zawn shanhte a ka-ang e htoi tu nga lu na rai myit dai.

HPILIPI 4:11

Shing nga nna ngai tsun nngai gaw nanhte ngai hpe ra kadawn mat hkra n yu, n gawn mat manit dai ngu nna myit hta hkam sha ai majaw tsun nga nngai n rai. Hpa majaw nga yang ngai gaw tinang hta lu ai mi hte myit dik let nga chye na lam hpe sharin la tawn ni ai.

TITU 2:3

Dai hte maren, asak kaba sai gumgai ni mung, kam sham nna tara hkungga ai ni, shatan nhkan ga n tsun ai hte chyaru a mayam n tai ai sha mai kaja ai lam sharin achyin chye ai ni rai lu mu ga, nang shanhte hpe sharin shaga ya lu na rai ndai.

SHINGRAN 12:10

Dai hpang sumsing lamu kata na nsen kaba gaw, “Ya anhte a Karai Kasang a hkye hkrang la ai lam du ra ai! Ya Karai Kasang gaw hkawhkam rai nga ai lam shi a atsam madun dan nu ai! Ya shi a Meshia gaw shi a daru magam ahkang aya hpe madun dan nu ai! Hpa majaw nga yang, anhte a hpu nau ni hpe, shani shana anhte a Karai Kasang a man e mara shagun, jahte tam ai wa hpe sumsing lamu kata kaw nna jahkrat kau ai hkrum nu ai.