LUKA 3:13 - Jinghpaw Common Language Bible 2009

¹³ Shi gaw, “Nanhte hta la na shadang tawn ai hta jan nna hkum hta la myit,” ngu nna shanhte hpe tsun mu ai.

Jinghpaw Hanson Version Bible

¹³ Shi gaw, “Nanhte hta la na shadang tawn ai made hta grau nna hkum adip la myit,” ngu nna shanhte hpe tsun mu ai.

LUKA 3:13 ပူးပေါင်းရင်းမြစ်များ

SHAKAWN KUNGDAWN 18:23

Ngai mara n kap nga nngai gaw shi chye nga ai; shut hpyit amu galaw ai kaw nna ngai koi kau ni ai.

GA SHAGAWP 28:13

Na a yubak mara ni hpe ip da na, nang shakut ai rai yang, asak hkrun lam hta, nang galoi mung awng dang na n rai; mara hpe yin la nna tawn kau jang, Karai Kasang nang hpe matsan dum ai myit madun dan na ra ai.

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

MAHTE 7:12

“Nanhte gaw, masha ni nanhte a matu hpa hkan galaw na tsaw matsaw hte maren, nanhte mung dai hku shanhte a matu hkan galaw mu: dai gaw Mawshe a jep ai Tara hte myihtoi ni a sharin shaga ai lam a lachyum nan rai nga ai.

LUKA 19:8

Zake rawt tsap nna, “Madu e, nye a sut rai ka-ang hkup matsan mayan ni hpe ngai garan jaw na we ai; bai langai ngai hpe ngai mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

LUKA 3:12

Kang hta ai ni nkau mi mung hkalup hkam la na sa nna, “Sara e, anhte gara hku galaw na rai ta?,” nga nna shi hpe san ma ai.

LUKA 3:14

Hpyenla ni mung, “Anhte wa gaw kaning rai na rai ta? Anhte hpa rai ta?,” nga nna shi hpe san ma ai. Shi gaw, “Kadai wa kaw na mung adip arip di nna, gumhpraw hkum kashun la myit, n tara ai hku mara hkum shagun myit, nanhte lu ai shabrai hte myit dik dum nga mu,” ngu nna shanhte hpe tsun mu ai.

1 KORINHTU 6:10

lagu lagut galaw ai ni, nammak lawhpa ai ni, chyaru ya shang ai ni, shatan nhkan ai ni, kashun kashe rai jahkrit shagyeng sha ai ni, Karai Kasang a mungdan a sali wunli hpe hkam la lu na ma ai n rai.

EHPESU 4:28

Lagu ga ai wa gaw, lagu lagut amu tawn kau nna bai hkum lagu u ga, ra kadawn nga ai ni hpe karum la lu hkra tinang a matu teng man ai kan bau ai asak hkrung lam lu la hkra amu galaw hpang u ga.

HEBRE 12:1

Ya anhte a matu ndai daram law ai sakse ni gaw anhte hpe wang shinggrup da nga mi ai. Dai re ai majaw, anhte gaw lam e dingbai dingna re ai lam shagu hpe mung, anhte ni hta grai ngang hkra kap noi nga ai yubak hpe mung, yeng seng kau nhtawm, anhte gat na matu myit mada daw dan da ai bandung shadaw du hkra shakut sharang rai gat shadu wa ga.