LUKA 24:6 - Jinghpaw Common Language Bible 2009

⁶ Shi nang e n nga sai, shi hkrung rawt wa sai. Shi Galile mung e naw nga yang, nanhte hpe shi kaning nga tsun ga ai hpe dum mu:

Jinghpaw Hanson Version Bible

⁶ Shi nang e n nga ai, hkrung rawt wa sai: Galile mung e naw nga yang,

LUKA 24:6 ပူးပေါင်းရင်းမြစ်များ

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra ga a sung ai kata e rawng nga na ra ai.

MAHTE 16:21

Dai aten kaw nna Yesu gaw, sape ni hpe tsun dan magang mu ai gaw, “Ngai Yerusalem mare de sa nna agyi salang ni, hkinjawng agyi ni hte tara sara ni a lata hta e nni nkri law law hkrum nna, sat kau ai hkrum nhtawm, masum ya nhtoi hta ngai bai sharawt la ai hkrum na ring ngai,” ngu mu ai.

MAHTE 27:63

“Madu e, ndai masu hkalem ai wa naw hkrung nga yang, masum ya nhtoi hta e ngai bai hkrung rawt wa na nngai, nga nna shi tsun ai hpe anhte dum sagaw ai.

MAHTE 28:6

Shi nang e nga ai n rai, shi tsun da sai hte maren, shi bai hkrung rawt wa sai: sa marit, shi taw lai wa sai shara hpe sa yu maru.

MARKU 16:6

Shi gaw, “Hkum hkrit kajawng myit, wudang hta jen da sai Nazaret wa Yesu hpe nanhte tam nga myit dai hpe ngai chye nga nngai. Shi nang e n nga sai, shi gaw si ai kaw na hkrung rawt wa sai! Yu mu, ndai kaw shanhte shi hpe bang da ma ai.

MARKU 8:31

Dai shaloi Yesu gaw, “Dai masha Kasha gaw nni nkri law law wa hkrum nna, agyi salang ni, hkinjawng agyi ni hte tara sara ni e nyet kau ai hkrum na ra ai. Shi hpe sat kau na mara ai, rai ti mung masum ya nhtoi a hpang e shi bai hkrung rawt wa na ra ai,” ngu nna shi a sape ni hpe sharin achyin ya hpang mu ai.

LUKA 24:34

Hpawng nga ai ni gaw, “Kaja wa Madu gaw hkrung rawt wa sai! Shi gaw Petru hpe shadan dan nu ai,” nga nna tsun nga mala ai.

LUKA 24:5

Dai numsha ni hkrit kajawng nna ga de gum dagup taw nga ma ai. Dai yan gaw, “Hkrung nga ai wa hpe si ai ni nga ai shara kaw hpa rai tam nga myit ta?

LUKA 9:22

Shi shanhte hpe bai tsun mu ai gaw, “Dai Masha Kasha gaw, nni nkri law law wa hkrum nna, agyi salang ni, hkinjawng agyi ni, tara sara ni e nyet kau ai hkrum na hte, sat kau ai hkrum na ra ai; rai ti mung, masum ya nhtoi hta hkrung sharawt la ai hkrum na rai nga ai,” nga ai.

LUKA 9:44

“Ngai nanhte hpe tsun dan hkyen ai ga hpe hkum malap kau mu, Masha Kasha gaw masha ni a lata de ap kau ai hkrum na ra ai,” ngu nna tsun mu ai.

KASA 2:24

Rai ti mung si hkrung si htan a n-gun atsam kaw na shi hpe raw dat nna jahkrung sharawt nu ai. Hpa majaw nga yang dai si hkrung si htan gaw shi hpe gyit hkang sharen da na n mai nga ai.

2 HTESALONI 2:5

Ngai gaw nanhte hte rau naw nga ai shaloi e, ndai yawng mayawng hte a lam nanhte hpe tsun dan ga ni ai. Nanhte n dum myit ni?