LUKA 24:49 - Jinghpaw Common Language Bible 2009

⁴⁹ Ngai nan, nye Wa a ga ndat nanhte a ntsa de shangun dat na nngai. Rai ti mung nanhte gaw, ntsa de na Chyoi Pra ai Wenyi a n-gun atsam dagraw hkam la lu ai nhtoi du hkra, mare hta naw la nga mala,” ngu nna shanhte hpe tsun mu ai.

Jinghpaw Hanson Version Bible

⁴⁹ Yu mu, nye Wa a ga ndat nanhte a ntsa e ngai shangun dat na ring ngai: nanhte chyawm gaw, matsaw ningtsang de na n-gun atsam dagraw la lu ai nhtoi du hkra, ndai mare e naw la nga ma la,” ngu nna shanhte hpe tsun dat mu ai.

LUKA 24:49 ပူးပေါင်းရင်းမြစ်များ

ESAIA 32:15

Rai ti mung Karai Kasang gaw kalang mi bai anhte a ntsa e shi a wenyi ru bang ya na ra ai. Jahkam da ai lamu ga gaw ga sau kaja wa na ra ai, yi hkauna ni ja kat ai nsi naisi ni hpe shapraw ya na ra ai.

YAWHAN 14:26

Nye a mying nsang hte nye a Wa shangun dat na ra ai Karum Ai Wa ngu ai Chyoi Pra Ai Wenyi gaw, nanhte hpe lam magup sharin ya nna, ngai nanhte hpe tsun da ai ga yawng mayawng nanhte hpe shadum shahprang na ra ai.

YAWHAN 15:26

Karai Kasang hte seng ai teng man ai lam hpe shadan dan ai dai Karum Ai Wa ngu ai Wenyi gaw Wa kaw na du sa na ra ai. Shi hpe nye Wa kaw na nanhte hpang de ngai shangun dat na we ai rai nna, shi gaw nye a lam sakse hkam ya na ra ai.

KASA 1:4

Shing rai shanhte sa du nna hpawng nga ma yang, Yesu gaw, “Yerusalem mare kaw na hkum pru mat wa myit, nanhte hpe ngai tsun da sai nye Wa jaw da sai ga ndat hte seng ai chyeju kumhpa hpe ala nga mu.

KASA 1:8

Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,” ngu nna shanhte hpe tsun mu ai.

KASA 16:7

Musi mung na ga jarit de du magang yang, Bihtuni mung de shang sa wa na shakut yu ma ai.