LUKA 24:47 - Jinghpaw Common Language Bible 2009

⁴⁷ Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

Jinghpaw Hanson Version Bible

⁴⁷ Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

LUKA 24:47 ပူးပေါင်းရင်းမြစ်များ

NINGPAWT NINGHPANG 12:3

Nang hpe shaman ya ai wa hpe ngai shaman ya na nngai, Rai ti mung nang hpe dagam ai wa hpe ngai dagam kau na nngai. Na a marang e, amyu baw yawng hte hpe ngai shaman ya na nngai,” ngu nna tsun wu ai.

SHAKAWN KUNGDAWN 22:27

Amyu baw ni yawng hte gaw Madu hpe dum na mara ai. Mungkan shara shagu de na masha ni shi kaw kayin wa na mara ai; Masha amyu baw yawng hte mung, shi hpe nawku daw jau na mara ai.

SHAKAWN KUNGDAWN 67:7

Karai Kasang gaw anhte hpe shaman ya mi ai, shara shagu hkan nga nga ai masha amyu yawng shi hpe shagrau sha-a nga mu law.

SHAKAWN KUNGDAWN 86:9

Nang hpan tawn da ai masha amyu baw ni yawng hte gaw nang kaw sa nna dingnyawm wa na mara ai; shanhte gaw na a galu kaba ai lam hpe shakawn na mara ai.

ESAIA 11:10

Dawi a hkawhkam aru asai kaw nna hkawhkam nnan gaw masha amyu baw ni a matu masat kumla tai na ra ai nhtoi gaw du wa nga ai. Shanhte gaw shi a hkawhkam htingnu mare hta zup hpawng nna shi hpe shagrau sha-a na mara ai.

ESAIA 49:22

Tsaw Htum ai dai Madu gaw shi a amyu masha ni hpe ning ngu tsun nga ai: “Ngai gaw masha amyu baw ni hpe kumla madun na nngai, shanhte gaw na a ma kaji ni hpe dum nta de woi wa na mara ai.

ESAIA 49:6

Dai Madu gaw ngai hpe, “Nye a shangun ma wa e, ngai gaw na a matu bungli grau kaba ai langai lu nngai. Naw ngam nga ai Israela amyu masha ni hpe galu kaba lam jaw ya na matu sha n rai nga ai; rai ti mung ngai gaw nang hpe masha amyu ni a matu nhtoi shatai na we ai, shaloi mungkan yawng gaw hkye hkrang la hkrum na ma ai,” ngu nna tsun ai.

ESAIA 5:4

Ndai sabyi sun a matu galaw na ngai hprai kau ai amu hpa wa naw nga nga a ta? Dai rai yang, hpa majaw ngai myit mada da ai kaja ai sabyi si ni n re ai sha, hkri ai sabyi si ni hpe shapraw ya nga a ni?

ESAIA 52:10

Dai Madu gaw shi a chyoi pra ai daru magam n-gun lang wa na ra ai; shi gaw shi a amyu masha ni hpe hkye la na ra ai, mungkan ga ting dai amu hpe mu na mara ai.

ESAIA 52:15

Rai ti mung, ya chyawm gaw masha amyu baw law law ni shi hpe yu mau na mara ai, hkawhkam ni gaw ga n shaga ai sha mau mat na mara ai. Shanhte gaw shanhte galoi mung n chye na yu ai arai lama mi hpe mu lu nna chye na wa na mara ai,” ngu nna tsun ai.

YEREMIA 31:34

Kaji htum ai kaw na kaba htum ai du hkra, nlang hte gaw ngai hpe chye wa na mara ai majaw, dai Madu a lam chye na na matu shanhte kaw na langai wa mi mung shi a htingbu ni hpe sharin achyin ya ra na n rai. Ngai gaw shanhte a yubak mara ni hpe raw dat kau ya nna shanhte a shut hpyit ai amu ni hpe galoi mung dum nga na nngai n rai. Dai Madu ngai nan tsun ni ai.”

Daniela 9:24

“Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

HOSEA 11:8

“Israela e, Ngai nang hpe kaning rai tawn kau da lu na rai ta? Ngai nang hpe kaning rai kabai kau da lu na rai ta? Ngai gaw nanhte hpe Adma mare hpe di ai zawn kaning rai shamyit kau lu na rai ta? Zeboim hpe di ai zawn nanhte hpe kaning rai di lu na rai ta? Nye a myit masin mung ngai hpe dai hku galaw shangun nga ai n rai! Nanhte a matu nye a tsaw ra ai myit gaw nau wa n-gun ja nga li ai.

HOSEA 2:23

Ngai gaw nye a amyu masha ni hpe ndai lamu ga hta shanu nga shangun nna shanhte hpe ngamu ngamai shangun na nngai. Ngai gaw “Tsaw ra n hkrum ga ai” ngu tsun hkrum nga ai ni hpe mung, “Nye a amyu masha ni n re” nga nna tsun hkrum ai ni hpe mung tsaw ra myit madun na we ai. Ngai gaw, “Nanhte gaw nye a amyu masha ni rai nga myit dai,” ngu nna tsun na we ai, shanhte gaw, “Nang gaw anhte a Karai Kasang rai nga ndai,” nga nna htan na mara ai.

MIHKA 4:2

shanhte a amyu masha ni gaw, “Anhte gaw dai Madu a kawng, Israela a Karai Kasang a Nawku Htingnu de lung wa saga. Shi gaw anhte hpe galaw shangun mayu ai lam sharin ya na ra ai; anhte gaw shi lata da sai lam hta hkawm sa na rai ga ai. Hpa majaw nga yang, dai Madu a sharin shaga ai ga gaw Yerusalem kaw nna rai nga ai; shi a amyu masha ni hpe shi tsun ai ga gaw Ziun kaw na rai nga ai,” ngu nna tsun na mara ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

MAHTE 3:2

shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MAHTE 9:13

Dai rai nna, ‘Dusat hkungga jaw ai lam n rai, matsan dum ai lam sha ngai tsaw nga nngai,’ nga ai chyum ga a lachyum hpe chye lu myit ga, sa hkan tam sharin la mu; hpa majaw nga yang, ding hpring ai ni hpe shaga na matu n rai, yubak kap ai ni hpe shaga na matu she ngai sa du ring ngai,” ngu mu ai.

LUKA 13:34

“Yerusalem e, Yerusalem e, myihtoi ni hpe sat kau kau rai nna, nang hpang de Karai Kasang shangun dat ai kasa ni hpe mung nlung hte kabai sat kau ndai. U kanu gaw, uhkai ni hpe, shi a singkaw npu e jahpawng da ai zawn, na a amyu masha ni yawng hpe ngai gade lang jahpawng da mayu timung, nang n hkraw ndai.

KASA 10:43

Shi hpe kam sham ai ni nlang, shi a mying nsang a n-gun atsam marang e, yubak raw dat kau ya ai hkrum na mara ai, nga nna shi a lam hpe myihtoi ni yawng htawn tsun sakse hkam ma ai,” ngu mu ai.

KASA 11:18

Shanhte dai lam na ma yang, shanhte a mara tam dinglun ai lam jahkring kau nna myit pyaw ai hte, “Aw rai sa, Karai Kasang gaw maigan masha ni hpe mung myit malai lu nna asak hkrung nga na ahkaw ahkang jaw nga a hka!” nga nna Karai Kasang hpe shagrau sha-a ma ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 2:38

Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai.

KASA 20:21

Yuda masha ni hpe mung, maigan masha ni hpe mung, shanhte a yubak mara ni kaw na Karai Kasang hpang de myit malai kayin wa nna, anhte a Madu Yesu hpe kam sham na matu mung, ngai aja awa sadi jaw shadum shahprang ni ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

KASA 26:20

Dai lam hpe shawng nnan Damasku mare, dai hpang Yerusalem mare hte Yuda mung ting na masha ni hte maigan amyu masha ni myit malai lu nna Karai Kasang hpang de kayin wa nhtawm myit malai hte gingdan ai arawn alai shachyen mu ga, ngai hkaw dan nngai.

KASA 28:28

Hpungdim hku nna Pawlu gaw, “Dai re ai majaw Karai Kasang a hkye hkrang la ai mungga hpe maigan amyu ni hpang de jaw dat nu ai rai nna shanhte mahtang madat mara hta la na mara ai gaw nanhte nan chye nga mu law!,” ngu mu ai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

KASA 4:12

Shi hta shaje hkye hkrang la ai lam n nga sai. Anhte hkye hkrang la ai kaw du lu na matu sumsing lamu a npu shinggyim masha ni hta jaw ya ai mying nsang shaje kanang mung n nga sai,” ngu nna htan wu ai.

KASA 5:31

Israela amyu masha ni hpe myit malai lu shangun nna shanhte a mara raw dat kau ya ai ahkaw ahkang jaw ya na matu Karai Kasang gaw dai Madu hpe shi a hkra maga dung nga shangun nna ningbaw ningla hte Hkye hkrang la ai wa tai na matu shagrau shatsaw da nu ai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

KOLOSE 1:27

Karai Kasang a shatawng shada ai lam gaw, masha amyu baw shagu a matu hpung shingkang rawng nna mauhpa hte sung htum ai mungga a lam shi a amyu masha ni hpe shadan dan na lam rai nga ai. Dai sung htum ai mungga gaw, Hkristu nan nanhte a kraw lawang hta shanu nga ai lam rai nga ai; lam mi hku tsun ga nga yang, nanhte gaw Karai Kasang hte rau dai hpung shingkang hpe hkam la lu na lam rai nga ai.

1 YAWHAN 2:12

Nye a shu sha ni e, Hkristu a marang e nanhte a yubak mara ni hpe raw dat kau ya ai hkrum manit dai majaw, ngai nanhte hpe ka dat nngai.