LUKA 24:45 - Jinghpaw Common Language Bible 2009

⁴⁵ Dai hpang sape ni, dai Chyum Laika ga ni hpe chye na lu na matu shanhte a myit nyan jahpaw ya mu ai.

Jinghpaw Hanson Version Bible

⁴⁵ Shaloi Chyum laika ga ni hpe chye na lu na matu, shi shanhte a myit hpaw ya nna,

LUKA 24:45 ပူးပေါင်းရင်းမြစ်များ

YOBA 33:16

Shi gaw shanhte hpe shi tsun ai ga madat shangun nga ai rai nna; shi a sadi shadum ai ga ni a majaw shanhte hkrit kajawng ma ai.

SHAKAWN KUNGDAWN 119:18

Nye a myi ni hpe hpaw ya e, shaloi, na a tara hta na mauhpa teng man ai lam ni hpe ngai mu lu na nngai.

PRU MAT 4:11

Dai Madu gaw shi hpe, “Masha a n-gup hpe kadai jaw a ta? Ma-a ai hte na lahpang ai wa hpe kadai galaw a ta? Myi mu hkra shi hpe kadai jaw nna, kadai wa myi kyaw shangun a ta? Dai gaw Ngai Madu nan rai nga nngai.

LUKA 24:32

Shan gaw, “Hkrun lam e, Madu an hte ga shaga nna Chyum Laika ni a ga lachyum tsun hpaw dan ai shaloi, an a myit masin kata hta wan hkru nga ai zawn kadau kadap nga mali ai, n rai ni?,” nga nna shada da tsun ma ai.

KASA 16:14

Shanhte hta na anhte a ga na la ai numsha gaw Htuatira mare na sumpan hkyeng sawm dut ai Ludi ngu ai jan rai nga ai. Shi gaw Karai Kasang hpe nawku kam sham ai numsha rai nna, Pawlu tsun dan nga ai ga hpe na lasha let madat la u ga, Madu e shi a myit hpaw ya wu ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

EHPESU 5:14

Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.

SHINGRAN 3:7

“Bai, Hpiladehpi mare na hpung a lamu kasa hpe ning ngu ka dat u: “Ndai gaw, Chyoi pra ai hte tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa kaw na mungga rai nga ai.