LUKA 24:44 - Jinghpaw Common Language Bible 2009

⁴⁴ Shaloi Yesu gaw, “Mawshe a Tara hta mung, myihtoi ni a laika ni hta mung, nye a lam hte seng nna ka da nga ai lam ni yawng mayawng, dik wa lu na ra ai, ngu nna nanhte hte rau nga nga yang, ngai nanhte hpe tsun ni ai,” ngu nna shanhte hpe tsun mu ai.

Jinghpaw Hanson Version Bible

⁴⁴ Shaloi shi gaw, “Mawshe a tara hta mung, myihtoi ni a laika hta mung, Shakawn Kungdawn laika ni hta mung, ngai hpe sha-ang nna ka da mada yawng gaw dik lu na ra ai, ngu nna nanhte hte rau naw nga yang, ngai nanhte hpe tsun ni ai, nye a ga gaw, ndai rai nga ai,” ngu nna shanhte hpe tsun mu ai.

LUKA 24:44 ပူးပေါင်းရင်းမြစ်များ

NINGPAWT NINGHPANG 14:18

Tsaw Htum ai Karai Kasang a hkinjawng rai nna, Salem hkawhkam tai nga ai Melhkizedek mung Abram hpang de muk hte sabyi la sa ya nna,

NINGPAWT NINGHPANG 22:18

Nye a hkang da ai ga hpe nang madat mara nga ndai majaw na a amyu matu ni yawng hpe ngai shaman ya ni ai zawn amyu baw ni yawng mung shanhte hpe shaman ya na matu, ngai hpe san wa na mara ai.

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

SHAKAWN KUNGDAWN 118:22

Nta gaw ai ni lata kau sai nlung gaw, yawng hta grau ahkyak htum ai ningjut nlung tai wa ai.

ESAIA 28:16

Ya chyawm gaw, ndai lam hte seng nna Tsaw Htum ai dai Madu gaw, “Ngai gaw Ziun Bum ntsa e ngang kang ai hte n-gun ja ai npawt nhpang gaw da na nngai. Ngai gaw dai shara hta, ‘Makam masham gaw ngang grin nga ai hte hkam sharang ai mung rai nga ai,’ ngu ai laika ka shakap da ai ngang ai njut nlung langai jahkrat bang da na nngai.

ESAIA 52:13

Dai Madu gaw, “Nye a shangun ma gaw shi a amu hta dagraw la na ra ai; shi gaw shagrau shatsaw hkrum na ra ai.

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

YEREMIA 23:5

Dai Madu gaw, “Dawi a aru arat kaw na teng man ai hkawhkam langai mi hpe ngai lata san da ai aten du wa na ra ai. Dai hkawhkam wa gaw hpaji rawng ai hte up hkang nna, mungdan ting hpe ding hpring ai hte teng man ai hku up hkang na ra ai.

YEREMIA 33:14

Dai Madu gaw, “Israela hte Yuda amyu masha ni hpe ngai tawn da ai ga sadi hpe ngai shadik mat wa na aten gaw du wa ra ai.

EZEKELA 17:22

Ndai gaw Tsaw Htum ai dai Madu tsun ai mungga rai nga ai: “Ngai gaw tsaw ai arit hpun ndung la nhtawm kya ai makrung langai di la na nngai; Ngai gaw dai hpe tsaw ai bum ntsa e mung,

EZEKELA 34:23

Shanhte hpe rem ai sagu rem wa langai tai wa na matu, nye a shangun ma Dawi hte bung ai hkawhkam langai ngai shanhte hpe jaw na nngai, shing rai shi gaw shanhte hpe rem ai sagu rem wa tai nna lanu lahku na ra ai.

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

Daniela 7:13

Shana e ndai shingran mu nga ai laman, shinggyim masha hte bung ai langai mi ngai mu nngai. Shi gaw ngai kaw shani sa wa nna, sumwi ni hte gawan da let htani htana ahkrung nga sai wa hpang de sa nhtawm shi a man e nga nga ai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

AMO LAIKA (AMOS) 9:11

Dai Madu gaw, “Ngai gaw daw hten mat ai nta langai zawn rai nga ai Dawi a mungdan hpe bai gaw gap da ai shaloi dai nhtoi du wa na ra ai. Ngai gaw de a bunghku ni hpe bai lajang ai hte dai hpe bai gaw gap da na nngai. Ngai gaw dai hpe bai gaw gap ai hte moi na zawn bai de da na nngai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

ZEHKARIA 14:4

Dai aten hta, shi gaw Yerusalem mare a sinpraw maga na Tsanlun Bum ntsa e tsap nga na ra ai. Shaloi Tsanlun Bum gaw sinpraw maga kaw nna sinna maga du hkra ka-ang brang ga wa ai hte grai kaba ai kadit langai tai mat na ra ai; dai bum ka-ang hkup gaw dingdung maga de, de a ka-ang hkup gaw dingda maga de htawt sit mat na ra ai.

ZEHKARIA 6:12

Chyahtum Chyalai N-gun rawng ai dai Madu gaw shi hpe, ‘Lakung ngu shaga hkrum ai wa gaw shi nga ai shara hta galu kaba ringchying wa nna dai Madu a Nawku Htingnu hpe gaw gap na ra ai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

BU HKAWM 21:8

Dai hpang dai Madu gaw Mawshe hpe nhprang arai hte galaw ai lapu langai mi galaw nna hpun shadaw ntsa e sharawt tawn na tsun wu ai. Lapu achye hkrum ai ni kadai mung dai hpe mada yu nna shamai shatsai ai hkrum na rai ma ai.

BU HKAWM 35:25

Dai shawa hpung mung masha sat amu shut hpyit ai wa hpe sat kau hkrum sai hpu nau wa a lata kaw nna hkye mawai shaw la nhtawm shi hprawng lawt yu sai mare na shingbyi shara de bai nhtang wa shangun na rai ma ai. Shing rai dai yang e shi gaw Hkinjawng Kaba wa si ai shani du hkra nga lu na rai wu ai.

MAHTE 1:22

Ndai lam ni gaw Madu nan myihtoi a n-gup hku nna tsun da sai ga dik wa u ga she byin wa sai.

MAHTE 16:21

Dai aten kaw nna Yesu gaw, sape ni hpe tsun dan magang mu ai gaw, “Ngai Yerusalem mare de sa nna agyi salang ni, hkinjawng agyi ni hte tara sara ni a lata hta e nni nkri law law hkrum nna, sat kau ai hkrum nhtawm, masum ya nhtoi hta ngai bai sharawt la ai hkrum na ring ngai,” ngu mu ai.

MAHTE 26:54

Rai ti mung ngai shing di yang, ndai lam byin wa lu na ra ai nga nna Chyum Laika hta tsun da ai hte maren, kaning rai dik wa lu na a ta? ngu nna shi hpe tsun wu ai.

MAHTE 26:56

Rai ti mung ndai lam yawng hte byin wa ai chyawm gaw, myihtoi ni ka da ai laika ni dik wa mu ga majaw byin wa sai,” ngu mu ai. Shaloi jang sape ni yawng shi hpe kau da nna hprawng mat wa ma ai.

MARKU 9:31

Hpa majaw nga yang, “Dai Masha Kasha gaw masha ni a lata de ap kau ai hkrum nna, shanhte shi hpe sat kau na maru ai. Rai ti mung masum ya nhtoi a hpang e shi bai hkrung rawt wa na ra ai,” ngu nna shi a sape ni hpe sharin achyin ya da mu ai.

LUKA 21:22

Hpa majaw nga yang, Chyum Laika ni hta tsun da ai lam ni yawng mayawng dik wa lu na matu mara, ‘Jeyang daw dan nna ari jaw ai Nhtoi ni rai na ra ai.’

LUKA 22:37

Hpa majaw nga yang, ngai nanhte hpe tsun made ga, ‘Dai wa gaw tara tawt lai ai ni hta lawm nga ai,’ nga nna nye a lam ka da ai hte maren, ngai hta byin na ra ai. Dai gaw nye a lam ka da ai chyum ga hte maren byin nga sai majaw rai nga ai,”

LUKA 24:46

Madu gaw, “Chyum Laika hta Meshia gaw nni nkri hkam nna masum ya du ai nhtoi e, si ai kaw na bai hkrung rawt wa na ra ai.

LUKA 9:22

Shi shanhte hpe bai tsun mu ai gaw, “Dai Masha Kasha gaw, nni nkri law law wa hkrum nna, agyi salang ni, hkinjawng agyi ni, tara sara ni e nyet kau ai hkrum na hte, sat kau ai hkrum na ra ai; rai ti mung, masum ya nhtoi hta hkrung sharawt la ai hkrum na rai nga ai,” nga ai.

LUKA 9:44

“Ngai nanhte hpe tsun dan hkyen ai ga hpe hkum malap kau mu, Masha Kasha gaw masha ni a lata de ap kau ai hkrum na ra ai,” ngu nna tsun mu ai.

YAWHAN 3:14

Mawshe gaw nam mali e magri mang lapu hpe sharawt da ai zawn,

YAWHAN 5:39

Chyum laika ni hta na nanhte htani htana asak mu tam la lu na re ai, nga nna shadu myit dai majaw, dai laika ni hta nanhte hkan sawk hti yu rai myit dai, dai laika ni nan nye a lam sakse hkam nga ai!

YAWHAN 5:46

Mawshe hpe nanhte kaja wa sha kam myit dai rai yang gaw, ngai hpe mung kam na rai myit dai, hpa majaw nga yang, Mawshe gaw nye a lam ka da nu ai.

KASA 13:33

Karai Kasang gaw Yesu hpe si ai kaw na hkrung sharawt ya ai hte ji wa ni hpe jaw da ai ga ndat hpe shanhte a kashu kasha rai nga ai anhte a matu galaw shabyin nu ai. Anhte gaw dai Kabu Gara Shiga hpe ndai kaw gun sa na matu ya du sa wa ai rai nga ai.

KASA 13:40

Dai rai yang gaw myihtoi ni tsun ai lam nanhte hta n byin u ga sadi nga mu!

KASA 2:27

Hpa majaw nga yang nang ngai hpe Katsan ga e kabai kau da ndai n rai; na a kangka ai shangun ma wa hpe, lup sung hku hta yat tsam mat shangun na ndai n rai.

KASA 3:18

Karai Kasang gaw shi a Meshia nni nkri hkrum na ra ai lam, moi shawng shawng kaw nna myihtoi ni yawng a n-gup hte tau tsun tawn nu ai rai nna, dai lam ni ndai hku nna dik wa shangun nu ai.

KASA 7:37

“Nan hpu nan nau ni hta na, ngai zawn re ai myihtoi langai mi, nanhte a matu Karai Kasang paw pru shangun na ra ai,” nga nna Israela amyu masha ni hpe tsun da ai wa gaw Mawshe shi nan rai nga ai.

HEBRE 10:1

Yuda ni a Tara gaw kaja wa ajet re ai lam ni a teng man kup tsup ai hkrang kasi majing n re ai sha, du na ra ai ngamu ngamai lam a n dan n leng re ai shingna sha rai nga ai. Shanhte gaw tut nawng e nawng ya nga ai shagu hkungga amyu baw ni hpe sha shaning shagu nawng ya ma ai. Dai rai nna ndai hkungga ni hte Karai Kasang hpang de sit shang wa ai masha ni hpe dai tara gaw gara hku nna hkum tsup ai ni tai wa shangun lu na rai ta?

HEBRE 3:5

Mawshe gaw Karai Kasang a nta na shangun ma zawn kangka ai wa rai nna, htawm hpang de Karai Kasang tsun dan na ra ai lam ni hpe tsun ai wa rai nga ai.

HEBRE 7:1

Ndai Melhkizedek gaw, Salem Mare a hkawhkam hte Tsaw Htum ai Karai Kasang a hkinjawng wa shi rai nga ai. Hkawhkam mali hpe gasat dang kau nna Abraham bai du wa yang, Melhkizedek gaw shi hpe hkap tau la nna shaman ya wu ai.

HEBRE 9:8

Ndai htung lai hte maren, shawng du ai gawk naw grin nga dingsa gaw chyoi pra htum ai shara de shang na lam mung garai n hpaw na re ai lam dai Chyoi Pra ai Wenyi gaw asan sha sharin ya nga ai.

1 PETRU 1:11

Dai hkye hkrang la ai hte seng ai chyeju gaw gara aten aprat hta gara lai hku nna du sa na ra ai lam hpe tam shakut ma ai. Shanhte hta shanu nga ai Hkristu a Wenyi gaw dai aten hta Hkristu hkam na rai nga ai nni nkri lam hpe mung, shing rai hkam ngut ai hpang hkam la na rai nga ai hpung shingkang hpe mung tau hkrau nna madun dan da nga sai.

SHINGRAN 19:10

Shaloi, ngai gaw shi hpe nawku na ngu, shi a lagaw nhpang e dingnyawm dagup dat nngai. Rai ti mung, dai lamu kasa gaw, “Shing hkum rai et! Ngai gaw nang hte na nhpu nnau ni hte hpawn, Madu Yesu shadan dan ai dai teng man ai mungga hta jung noi nga ai ni a shingdep shingtau shangun ma manang she rai nngai. Karai Kasang hpe nawku u!” Hpa majaw nga yang, Madu Yesu sakse hkam shadan shaleng dan ai dai teng man ai mungga nan myihtoi ni hpe shung ya nga ai.