LUKA 24:39 - Jinghpaw Common Language Bible 2009

³⁹ Nye a lata ni hte lagaw lahpan ni hpe yu nna, ngai nan rai nga nngai hpe chye yu na myit dai. Ngai hpe masawp yu mi; minla ngu ai gaw, ngai hpe nanhte mu ai zawn ashan hte nrut nra rawng ai n rai.

Jinghpaw Hanson Version Bible

³⁹ Ngai nan rai nga nngai, nye lata hte lagaw hpe yu yu mu: ngai hpe masawp yu mi; minla ngu ai gaw, ngai hpe nanhte mu ai zawn, ashan hte nrut nra rawng ai n rai,”

LUKA 24:39 ပူးပေါင်းရင်းမြစ်များ

HPAJI NINGLI 12:7

Anhte a hkum hkrang ni gaw ga nhpu de nhtang mat wa na ra ai. Asak a nsoi nsa chyawm gaw anhte hpe jaw ya ai Karai Kasang hpang de nhtang wa na ra ai.

BU HKAWM 16:22

Rai ti mung Mawshe yan Arun gaw ga de dingnyawm dagup let, “O Karai Kasang e, nang gaw asak yawng a hka hpawk rai nga ndai; marai langai shut ai a majaw shawa hpung ting hpe masin pawt nga n ni?,” ngu nna tsun ma ai.

LUKA 23:46

Yesu gaw, “Wa e! Na a lata de nye a wenyi ap ya de ai!” nga nna nsen kaba hte jahtau wu ai. Shing nga tsun ngut jang, nsa hti mat ai.

LUKA 24:38

Rai ti mung shi gaw, “Nanhte hpa rai kajawng nga myit ta? Hpa rai nanhte a myit ni hta ung ang ai lam ni pru wa nga malit ta?

LUKA 24:40

Shing nga shanhte hpe tsun nhtawm, shi a lagaw lata ni hpe madun dan mu ai.

YAWHAN 20:20

Shing nga tsun ngut jang, shi shanhte hpe shi a lata ni hte garep madun dan wu ai. Sape ni mung Madu hpe mu lu yang, kabu gara ma ai.

YAWHAN 20:25

Dai rai nna kaga sape ni shi hpe, “Anhte gaw Madu hpe mu lu saga ai,” ngu nna tsun dan mu ai. Shaloi Htawma gaw, “Shi a lata ni hta na hpri hkang ni ngai n mu, dai hpri hkang ni hta nye a layung nan ngai n shawn yu, shi a garep hta nye a lata n manaw lu yang gaw, ngai kam na nngai n rai,” ngu nna shanhte hpe tsun mu ai.

YAWHAN 20:27

Shaloi Yesu gaw Htawma hpe, “Na a layung nang e shawn yu nna, nye a lata ni hpe yu u; na a lata ladawn nna, nye a garep hpe mung manaw yu u; n kam hkum rai et, kam sham nga u!,” ngu wu ai.

KASA 1:3

Yesu gaw si hkam ngut ai hpang, nhtoi mali shi ya laman kasa ni hpe law law lang shi a hkum shadan dan nna, shi asak hkrung nga ai lam kam ging ai sakse ni hpe madun dan sai. Kasa ni mung shi hpe mu nna, shi shanhte hpe Karai Kasang a Mungdan lam hkaw tsun dan mu ai.

1 HTESALONI 5:23

Anhte hpe ngwi pyaw sim sa ai lam jaw ya ai Karai Kasang gaw, nanhte hpe lam shagu hta shachyoi shapra nna, anhte a Madu Yesu Hkristu bai du sa ai shaloi e, nanhte a Wenyi, myit masin hte hkum hkrang ting gaw, mara n kap hkra bau maka nga u ga.

HEBRE 12:9

Anhte hpe daru sharin ai shinggyim kawa ni hpe anhte hkungga lara di ga ai. Dai rai yang, anhte a Wenyi hte seng ai Kawa a npu e grau nna taw nga let asak hkrung nga ra ga ai n rai hka!

1 YAWHAN 1:1

Shawng npawt kaw nna nga nga ai dai asak hkrung ai mungga a lam nanhte hpang de anhte ka dat ga ai. Anhte dai hpe na yu saga ai, myi hte mung mu yu saga ai, rai sa anhte mu yu saga ai rai nna anhte a lata ni hte hkra yu saga ai.