LUKA 24:36 - Jinghpaw Common Language Bible 2009

³⁶ Shan lahkawng dai lam shanhte hpe tsun dan nga yang, akajawng sha Madu shi hkum nan shanhte a ka-ang e tsap nga nna, “Nanhte ngwi pyaw nga myit ga!,” ngu nna shanhte hpe tsun mu ai.

Jinghpaw Hanson Version Bible

³⁶ Shanhte dai lam jawm tsun nga ma yang, shi hkum nan shanhte a ka-ang e tsap nga nna, “Nanhte ngwipyaw nga myit ga,” ngu nna shanhte hpe tsun mu ai.

LUKA 24:36 ပူးပေါင်းရင်းမြစ်များ

ESAIA 57:18

“Shanhte gara hku shamu shamawt ai amu hpe ngai mu se ai, rai ti mung ngai shanhte hpe shamai shatsai na nngai. Ngai shanhte hpe woi awn na nngai, shanhte hpe karum na nngai, Sharung shayawt hkrum nga ai ni hpe ngai shalan shabran na nngai.

MAHTE 10:13

Dai nta na masha ni nanhte hpe hkap hkalum la myit yang gaw, nanhte a shaman ai ga shanhte a ntsa e nga nga u ga: rai ti mung, nanhte hpe shanhte n hkalum la ma yang gaw nanhte a shaman ai ga nanhte kaw bai nhtang wa u ga.

MARKU 16:14

Yawng a hpang jahtum e Yesu gaw sape shi langai hte hpe shanhte shat sha nga ma yang shadan dan mu ai. Shi si ai kaw na bai hkrung rawt wa sai lam mu lu ai ni a ga hpe nan n kam ma ai hte myit ja nga ma ai majaw shanhte hpe daru kau wu ai.

LUKA 10:5

Gara nta hta mung nanhte shang myit yang, ‘Ndai nta ngwi pyaw nga u ga!,’ ngu nna shawng tsun mu.

YAWHAN 14:27

“Ngwi pyaw sim sa ai gaw ngai nanhte hpe tawn da ya ma sade ai; Nye a ngwi pyaw simsa ai nanhte hpe ngai jaw made ai, mungkan ga na ni jaw ai zawn ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

YAWHAN 20:26

Dai hpang matsat ya rai jang, sape ni gaw nhku e bai rawng nga ma ai rai nna Htawma mung shanhte hte rau rai nga ai. Chyinghka ni mung la da nga ai; rai ti mung Yesu sa du nna shanhte a ka-ang e tsap let, “Nanhte ngwi pyaw nga myit ga law,” ngu wu ai.

KASA 1:3

Yesu gaw si hkam ngut ai hpang, nhtoi mali shi ya laman kasa ni hpe law law lang shi a hkum shadan dan nna, shi asak hkrung nga ai lam kam ging ai sakse ni hpe madun dan sai. Kasa ni mung shi hpe mu nna, shi shanhte hpe Karai Kasang a Mungdan lam hkaw tsun dan mu ai.

1 KORINHTU 15:5

Shi gaw Petru kaw dan pru dan wu ai; dai hpang sape shi lahkawng kaw dan pru dan wu ai.

1 KORINHTU 15:7

Dai hpang Yaku kaw, dai hpang kasa ni yawng hte kaw, shi dan pru dan mu ai.

2 HTESALONI 3:16

Anhte a ngwi pyaw ai lam a npawt rai nga ai Madu gaw, nanhte hpe tut nawng e lam shagu hta ngwi pyaw ai lam ajaw nga u ga.

SHINGRAN 1:4

Ngai Yawhan gaw Asi mungdaw hta nga ai hpung sanit hpang de laika ka dat nngai. Ndai prat, moi prat, htawm hpang prat ni hta anga nga ai Karai Kasang kaw nna mung, shi a tingnyang man e nga ai Wenyi sanit hte kaw nna mung,