LUKA 24:32 - Jinghpaw Common Language Bible 2009

³² Shan gaw, “Hkrun lam e, Madu an hte ga shaga nna Chyum Laika ni a ga lachyum tsun hpaw dan ai shaloi, an a myit masin kata hta wan hkru nga ai zawn kadau kadap nga mali ai, n rai ni?,” nga nna shada da tsun ma ai.

Jinghpaw Hanson Version Bible

³² Dai rai nna shan gaw, Lam e anhte ga tsun nna, Chyum laika ni a ga lachyum tsun hpaw dan mi ai shaloi, an a myit masin gadau gadap nga mali ai, n rai ni?” nga nna shada da tsun ma ai.

LUKA 24:32 ပူးပေါင်းရင်းမြစ်များ

SHAKAWN KUNGDAWN 104:34

Nye a kabu gara ai lam gaw shi kaw na rai nga ai majaw, nye a mahkawn shakawn ai ga hpe Madu ra sharawng nga u ga law.

SHAKAWN KUNGDAWN 39:3

myit ru myit tsang ai gaw, ngai hpe ka-up kau nga li ai. Ngai grau myit ru magang, ru tsang ai gaw ngai hta grau law wa magang rai nga ai; Ngai n san ai sha n nga lu nga nngai.

GA SHAGAWP 27:17

Hpri hpe hpri hte shadai la lu ai zawn, masha a nyan hpe masha shada shalet la lu nga ai.

GA SHAGAWP 27:9

Manam pyaw ai sau hte manam hawm bat gaw nang hpe myit shapyaw lu ti mung, ru yak tsin-yam tsindam gaw na a myit a sim sa lam hpe jahten kau ya nga ai.

ESAIA 50:4

Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

YEREMIA 15:16

Nang ngai hpe tsun shaga ai ga hkum shagu hte hpe ngai madat se ai. Chyahtum Chyalai N-gun Rawng ai Madu Karai Kasang e, nang ngai hpe madu da nga ndai majaw na a mungga ni nye a myit kraw lawang hta kabu gara ai hte awng sharawng ai hte jahpring ya nit dai.

YEREMIA 20:9

Rai ti mung, ngai gaw, “Ngai gaw dai Madu hpe malap kau na nngai, shi a mying hta mahta nna galoi mung n shaga na ni ai,” ngu nna tsun ai shaloi, na a mungga gaw nye a myit masin kata hta wan zawn hkru nga li ai. Dai hpe hkam jan lu na matu kaja htum ai hku shakut ti mung, dai hpe loi mi pyi n lu sharang lu nngai.

YEREMIA 23:29

Nye a mungga gaw wan zawn mung, nlung ni hpe adup ga ai sumdu zawn mung rai nga ai.

MARKU 4:34

Ga shadawn hte n rai yang gaw shi shanhte hpe hpa mung n tsun dan yu ai rai ti mung shi a sape ni hte rau shanhte hkrai rai nga ai ten hta, lam shagu shanhte hpe lachyum hpyan dan mu ai.

LUKA 24:45

Dai hpang sape ni, dai Chyum Laika ga ni hpe chye na lu na matu shanhte a myit nyan jahpaw ya mu ai.

YAWHAN 6:63

Asak jahkrung ya ai gaw Karai Kasang a Wenyi rai nga ai; masha a n-gun atsam gaw hpa lam n la nga ai. Ngai nanhte hpe tsun ai ga ni gaw Karai Kasang a asak jaw ya ai Wenyi rai nga ai.

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.

HEBRE 4:12

Hpa majaw nga yang, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ntawng nhtu hta mung grau dai nga ai. Dai gaw wenyi hte myit masin hpe mung, nra hkrihkraw hte laswi hpe mung, yawng dinghkren ginhka chye nna masha a kraw lawang kata na maw mawn ai lam ni hte myit mamyit hte hpe jeyang hparan ya nga ai.