LUKA 24:19 - Jinghpaw Common Language Bible 2009

¹⁹ Shi gaw, “Hpa lam ni rai ta?,” ngu nna bai san mu yang, shan gaw, “Nazaret mare na Yesu a lam rai nga ai; Ndai wa gaw myihtoi langai mi rai nna, Karai Kasang a man e mung, masha yawng a man e mung shi tsun ai hte galaw ai lam shagu hta n gun atsam rawng ai wa rai nga ai ngu nna myit sawn da hkrum ai wa rai nga ai.

Jinghpaw Hanson Version Bible

¹⁹ Dai rai nna shi gaw, “Hpa lam rai ta?” ngu nna bai san wu yang, shan gaw, “Nazaret mare na Yesu a lam rai nga ai: dai wa gaw Karai Kasang a man e mung, masha nlang hte a man e mung, lata atsam hte n-gup hpaji a nsam rawng ai myihtoi wa rai nga ai:

LUKA 24:19 ပူးပေါင်းရင်းမြစ်များ

MAHTE 21:11

Shawa masha ni mahtang, “Ndai wa gaw, Galile mung Nazaret mare na Yesu ngu ai myihtoi wa rai nga ai,” nga nna htan ma ai.

MARKU 1:24

Dai wa gaw, “Nazaret wa Yesu e, anhte nang hte hpa seng ga ta? Anhte hpe jahten kau na matu nang sa du n ni? Nang kadai re ai hpe ngai chye nga nngai, nang gaw Karai Kasang a Chyoi Pra ai Wa rai nga ndai!,” nga nna marawn jahtau ai.

LUKA 24:18

Shan hta na Hkaleopa ngu ai wa gaw, “Yerusalem mare de du sa wa ai manam ni hta, Yerusalem mare e ya hte lai wa sai nhtoi grai wa n na ai laman byin lai wa sai lam ni hpe n chye ai masha gaw nang chyu sha rai n hka i?,” ngu nna htan wu ai.

LUKA 7:16

Masha yawng hte mung hkrit let mau mat shajang ma ai rai nna, Karai Kasang hpe shagrau sha-a let, “Myihtoi kaba anhte kaw paw pru ra ai, nga nna mung; Karai Kasang gaw shi a amyu hpe hkye la na matu du sa ra ai, nga nna mung,” shanhte tsun gara ma ai.

YAWHAN 3:2

Dai wa gaw shana e Yesu kaw sa nna, “Rabai e, nang gaw Karai Kasang e shangun dat ai sara langai mi rai nga ndai hpe anhte chye ga ai. Nang dan ai lamik kumla ni gaw, Karai Kasang n lawm yang gaw kadai mung n galaw lu ai,” ngu nna shi hpe tsun wu ai.

YAWHAN 4:19

Shaloi dai numsha gaw, “Madu e nang myihtoi rai nga ndai hpe ngai dum chye se ai.

YAWHAN 6:14

Ndai zawn Madu Yesu madun ai lamik kumla hpe mu ma yang, masha ni gaw, “Kaja wa teng teng ndai wa gaw mungkan ga de du sa na ra ai dai myihtoi wa rai nga ai,” nga ma ai.

YAWHAN 7:52

Shaloi shanhte gaw, “Nang mung Galile mung na masha rai nga n ni? Chyum Laika hpe sawk hti yu u, shaloi Galile mung kaw nna kadai myihtoi mung n paw pru yu ai hpe nang mu na rin dai,” ngu nna shi hpe htan mu ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

KASA 2:22

Israela masha ni e, ga ndai ni hpe madat la mu! Karai Kasang gaw mauhpa magam amu ni hte lamik kumla ni hpe Nazaret wa ngu ai Yesu a lata hte nanhte a man e madun dan sai. Dai rai nna shi gaw Karai Kasang kaw na daru magam ahkang aya lu ai wa re ai lam dan leng wa sai. Dai lam ni gaw nanhte a man e byin lai wa sai majaw nanhte ni nan chye nga myit dai.

KASA 7:22

Mawshe mung Egutu hpaji yawng sharin la nna, mungga hte marai grai rawng ai masha kaba langai mi tai wa sai.

TARA JAHPRANG 18:15

Shing rai na malai, nanhte a amyu masha ni hta na ngai zawn re ai myihtoi langai mi, shi nanhte hpang de shangun dat ya na rai wu ai. Shing rai shi a ga hpe nanhte madat mara hkan sa lu na rai myit dai.