LUKA 23:9 - Jinghpaw Common Language Bible 2009

⁹ Dai rai nna Herod gaw, Yesu hpe ga san ni law law san wu ai. Rai ti mung Yesu ga hkaw mi pyi n htan ya wu ai.

Jinghpaw Hanson Version Bible

⁹ Dai rai nna shi gaw Yesu hpe lam magup san yu wu ai, rai timung Yesu gaw, ga hkaw mi muk n htan ya wu ai.

LUKA 23:9 ပူးပေါင်းရင်းမြစ်များ

SHAKAWN KUNGDAWN 39:9

Nang ngai hpe ndai zawn re ai nni nkri hpe jahkrum ai wa rai nga ndai majaw, ngai ga hkaw mi mung n tsun ai sha, zim rai nga na nngai.

ESAIA 53:7

“Shi adip arip hkrum nga ai, rai ti mung dai hpe shagrit shanem ai hte hkam sharang nga ai; shi gaw ga hkum mi pyi galoi mung shaga ai n rai. Sat na matu hkyen ai sagu kasha langai zawn, mun rep hkyen nga ai sagu langai zawn, shi gaw ga hkum mi pyi galoi mung shaga ai n rai.

MAHTE 27:12

Rai ti mung Hkinjawng agyi ni hte salang ni shi hpe mara shagun ai lam ni hpe shi hpa mung n htan ya mu ai.

MAHTE 27:14

Rai ti mung Yesu gaw ga hkaw mi mung n htan wu ai. Shing re ai a majaw munggyi gaw ja ja wa mau mat nga ai.

MAHTE 7:6

“Chyoi pra ai arai hpe gwi ni hpe hkum jaw mu; shing rai yang shanhte mahtang nanhte hpe nhtang kawa na marin dai. Nanhte a hkachyi hpe wa ni a man e hkum kabai tawn mu, shing rai jang, dai ni tinang a lagaw hte dai hpe kabye kau na mara ai.

MARKU 15:5

Yesu chyawm gaw, ga hkaw mi mung bai n htan wu ai rai nna Pilat mau mat nga ai.

LUKA 13:32

Yesu gaw, “Dai chyahkyawn hpe ning ngu wa tsun mu, ‘Dai ni hte hpawt ni na nhtoi ni hta ngai nat ni hpe shaden kau nna, machyi makaw shamai ya na rai nga nngai; masum ya nhtoi du jang, nye a amu ngut na, rai nga ai.’

LUKA 23:10

Hkinjawng agyi ni hte Tara sara ni gaw shawng de pru tsap nna, shi hpe aja awa mara shagun ai lam galaw nga ma ai.

YAWHAN 19:9

Dai rai nna htingnu nhku de bai shang nhtawm, Yesu hpe, “Nang kanang na sa wa n ta?,” ngu nna san wu ai. Rai ti mung Yesu gaw ga hkaw mi mung n htan wu ai.

KASA 8:32

Shi hti ai laika a ga gaw ndai rai nga ai: “Sat na sagu hpe zawn shi hpe dun sa wa nu ai, Sagu kasha gaw shi a mun rep ai shaloi atsin sha nga ai zawn, shi mung n shaga ai sha nga nga ai.

1 PETRU 2:23

Shi roi asawng hkrum ai shaloi, shi bai roi asawng htang ai n rai; shi nni nkri hkam ai shaloi shi jahkrit sharim ai lam n galaw ai sha teng man ai tara agyi Karai Kasang a lata hta shi a myit mada ai lam ni ap da nu ai.