LUKA 23:7 - Jinghpaw Common Language Bible 2009

⁷ Herod up ai Galile ginwang na masha re ai lam chye jang, Yesu hpe Herod hpang de sa dat wu ai. Dai aten gaw, Herod shi nan Yerusalem mare e du taw nga ai aten re.

Jinghpaw Hanson Version Bible

⁷ Herod up ai mung na masha re ai shi chye yu yang, Herod shi dai mung, Yerusalem mare e dai ten e nga nga ai rai nna, Yesu hpe shi hpang de sa bang shangun wu ai.

LUKA 23:7 ပူးပေါင်းရင်းမြစ်များ

MAHTE 14:1

Dai aten hta e, Galile Ginwang up ai Herod munggyi gaw Yesu a kajai gumhkawng ai shiga hpe na lu wu ai.

MAHTE 14:3

Herod gaw shawng kaw nna kanau Hpilip a madu jan Herodia a majaw, Yawhan hpe rim gyit la nhtawm htawng e bang da nu ai.

MAHTE 14:6

Ya, Herod a shangai nhtoi hta, Herodia a shayi sha gaw, dai poi shawa hpawng yawng a ka-ang e sa pru ka ai hte Herod hpe myit grai wa shapyaw ya wu ai.

MARKU 6:14

Yesu a lam shiga shara shagu dan hkung chyam bra wa ai rai nna Herod hkawhkam gaw dai lam mahkra hpe na lu wu ai. Masha nkau mi gaw, Yesu hpe, “Hkalup Sara Yawhan si ai kaw na bai hkrung rawt wa ai wa re! Dai majaw she shi gaw lamik kumla ni hpe galaw lu nga ai,” nga nna tsun ma ai.

LUKA 13:31

Dai ahkying hta nan, Hparishe nkau mi Yesu kaw sa nna, “Nang ndai kaw na pru mat wa nna kaga shara langai ngai de sa wa su, hpa majaw nga yang, Herod nang hpe sat na maw nga ai,” ngu nna shi hpe tsun mu ai.

LUKA 23:6

Pilat gaw dai na jang, shi gaw, “Ndai wa Galile masha re a ni?,” nga nna san ai.

LUKA 3:1

Kehta Tiberi hkaw dung ai shi manga ning hta, Yuda mung e Pontu Pilat gaw munggyi aya hta, Galile mung e Herod gaw du aya hta, Ituri hte Trakuni ginwang hta e Herod a kanau Hpilip gaw du aya hta, Abili mung e Lusanu gaw du aya hta, rai shajang nga ma ai.

LUKA 9:7

Shing rai byin ai lam yawng hpe Galile Ginwang up ai Herod munggyi na la nna myit grai ung ang bu nga ai, hpa majaw nga yang, masha nkau mi Hkalup sara Yawhan si ai kaw na bai hkrung rawt wa sai.

KASA 4:27

Dai hte maren kaja wa teng teng Herod yan Pontu Pilat gaw maigan masha ni, Israela amyu masha ni hte rau Madu a Chyoi pra ai shangun ma rai nga ai, nang Meshia shatai sai Yesu hpe tai ninghkap na matu ndai mare e jawm hpawng nga ma ai.