LUKA 23:56 - Jinghpaw Common Language Bible 2009

⁵⁶ Dai hpang shanhte nta de wa nna manam pyaw ai baw hte mura sau lajang da ma ai. Bansa Nhtoi gaw dai jep ai Tara hte maren hkring sa ma ai.

Jinghpaw Hanson Version Bible

⁵⁶ Shaloi shanhte wa nna, manam pyaw ai baw hte mura sau lajang da ma ai. Laban nhtoi e gaw, tara nga ai hte maren shanhte laban nga ma ai.

LUKA 23:56 ပူးပေါင်းရင်းမြစ်များ

2 HKAWHKAM LABAU 16:14

Dawi a Mare hta shi a matu shi tawk da ai lungrawk lup hta lup makoi da ma ai. Shanhte gaw shi hpe lup makoi na matu shi a moi mang hpe manam pyaw ai namji namya ni hte namman sau ni lang nna hkyen lajang da ma ai. Shi si mat ai a majaw yawn hkyen ai kumla hku nna grai kaba ai wan nat poi mung galaw ma ai.

PRU MAT 31:14

Dai nhtoi gaw chyoi pra nga ai majaw dai ban sa ai nhtoi hpe nanhte hkan shatup lu na rai myit dai. Dai shani hpe n hkan shatup ai sha, dai shani e magam amu galaw ai wa kadai mung si ari hkrum na rai wu ai.

MARKU 16:1

Ya Bansa Nhtoi lai mat jang, Magdala Mari yan Yaku a kanu Mari hte Salome gaw, dai moi mang hpe sa chya ya na matu manam pyaw ai sau sa mari ma ai.

LUKA 24:1

Laban shani jahpawt nhtoi mahka de, dai numsha ni gaw, shanhte lajang da ai manam pyaw ai baw la gun nna lup de sa wa ma ai.

TARA JAHPRANG 5:14

rai ti mung sanit ya nhtoi gaw nye a matu ap nawng da ai bansa ai shani rai nga ai; dai shani e, nang hte na a shayi shadang sha ni mung, nanhte a mayam ni mung, yam nga ni mung, nanhte a mung hta shanu nga ai maigan masha kadai mung magam bungli shachyen lu na n rai. Nanhte bansa la lu myit dai hte maren mayam ni mung ban sa la na ra nga ma ai.