LUKA 23:5 - Jinghpaw Common Language Bible 2009

⁵ Rai ti mung shanhte mahtang grau nna ja ai nsen hte, “Ndai wa gaw Yuda mung ting hte Galile mung kaw nna, ya ndai kaw du hkra sharin shaga nga ai hte, mung masha ni hpe woi kabrawng wu ai,” nga nna tsun anin shadut ma ai.

Jinghpaw Hanson Version Bible

⁵ Dai ni mahtang, “Ndai wa gaw Yuda mung ting hte, Galile mung kaw nna ya nang du hkra, sharin shaga nga ai hte, mung masha ni hpe woi kabrawng wu ai,” nga nna grau tsun anin shadut ma ai.

LUKA 23:5 ပူးပေါင်းရင်းမြစ်များ

SHAKAWN KUNGDAWN 22:16

N hkru ai masha hpung mi, ngai hpe wang gawan da nna; gwi wunawng mi ngai kaw htim sa wa ai zawn shanhte ngai kaw htim sa wa ma ai; shing rai shanhte gaw nye a lagaw lata ni hpe gang je nga ma ai.

SHAKAWN KUNGDAWN 57:4

Masha shan sha ai hkanghkyi ni zawn, gumlau hpyen ni wang shinggrup da ai ngai hkrum nga nngai. Shanhte a wa ni gaw nri hte pala ni zawn rai nga ai, shanhte a shinglet ni dai ai nhtu ni zawn rai ma ai.

SHAKAWN KUNGDAWN 69:4

Mara kata e, ngai hpe n ju n dawng nga ai ni gaw nye a baw na kara singgawng ni hta grau law nga ma ai; Nye a gumlau hpyen ni ngai hpe masu magaw shatan nhkan ga tsun nna, gumlang nga ma ai; Shanhte gaw n-gun ja nga ma ai rai nna, ngai hpe sat kau mayu nga ma ai. Ngai n lagu la ai arung arai ni hpe bai nhtang jaw shangun ma ai.

MAHTE 11:1

Ya, Yesu gaw shi a sape shi lahkawng hte hpe hkang da ngut yang, ni nawn ai mare kahtawng ni hta sharin shaga nna, mungga hkaw dan na matu, shi dai shara kaw na pru sa wa ai.

MAHTE 2:1

Herod Hkawhkam a lakhtak e, Yuda mung na Betlehem mare hta Yesu shangai wa sai. Shangai wa ngut ai hpang, gade n na yang, sinpraw mung na hpaji rawng ai masha nkau mi, Yerusalem mare de sa du ma ai rai nna,

MAHTE 27:24

Pilat mahtang gaw, hpa hku mung n dang lu ai hte kabring kabrawng byin wa na masa hpe mu ai majaw, ntsin la nna shawa ni a man e lata hpe kashin let, “Ndai wa si ai gaw ngai hta lit n nga ai, ndai gaw nanhte galaw ai she rai malit dai,” ngu mu ai.

MAHTE 4:23

Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MARKU 1:14

Yawhan hpe htawng hta rim bang kau ai hpang, Yesu gaw Galile mung de sa du nna Karai Kasang kaw na Kabu Gara Shiga hkaw tsun dan mu ai.

LUKA 11:53

Dai shara na pru wa yang, tara sara ni hte Hparishe ni gaw, shi hpe aja awa dinglun ai hku ndang kalang galaw bang wa ma ai.

LUKA 23:23

Shanhte mahtang nsen kaba hte jahtau nna, Yesu hpe wudang hta jen da na lam atik anang hpyi ma ai majaw, hpang jahtum shanhte hpyi ai lam lu la mat wa manu ai.

LUKA 23:6

Pilat gaw dai na jang, shi gaw, “Ndai wa Galile masha re a ni?,” nga nna san ai.

YAWHAN 1:43

Hpang shani e Yesu gaw Galile mung de rai wa na myit daw dan wu ai. Shaloi Hpilip hpe mu wu ai rai nna, shi hpe, “Ngai kaw hkan nang rit,” ngu wu ai.

YAWHAN 19:15

Dai masha ni gaw, “Shi hpe sat kau mu! Sat kau mu! Wudang hta jen sat kau u!,” nga nna jahtau ma ai. Bai Pilat gaw, “Nanhte a hkawhkam wa hpe ngai wudang hta jen nna sat kau shangun mayu myit ni?,” ngu nna shanhte hpe san mu ai. Shaloi Hkinjawng agyi ni gaw, “Kehta Hkawhkam hta kaga anhte Hkawhkam n lu ga ai,” ngu nna htan mu ai.

YAWHAN 2:11

Shing rai Yesu gaw, Galile mung Hkana mare e ndai shawng nnan na lamik kumla hpe madun dan ai hte, dai yang e shi a hpung shingkang shadan dan wu ai rai nna, shi a sape ni mung, shi hpe kam sham ma ai.

YAWHAN 7:41

Bai nkau mi gaw, “Ndai wa gaw Hkristu nan rai nga ai,” nga ma ai. Rai ti mung nkau mi gaw, “Ataw, Hkristu wa mi Galile mung na pru wa a ni?

YAWHAN 7:52

Shaloi shanhte gaw, “Nang mung Galile mung na masha rai nga n ni? Chyum Laika hpe sawk hti yu u, shaloi Galile mung kaw nna kadai myihtoi mung n paw pru yu ai hpe nang mu na rin dai,” ngu nna shi hpe htan mu ai.

KASA 10:37

Yawhan shi a hkalup hkam ai tara hpe hkaw tsun dan ai hpang kaw nna Galile mung kaw npawt hpang nhtawm Israela mungdan ting hta kajai gara byin lai wa sai lam kaba hpe mung nanhte chye nga myit dai.

KASA 23:10

Shing rai dangrang hkat ai lam grai laja lana rai wa jang shanhte Pawlu hpe ashep ashin di kau na, hpyen du kaba wa myit tsang da wu ai; dai majaw, shanhte kaw yu wa nna Pawlu hpe dai ni a ka-ang na gare la nhtawm hpyen wang de shawn la na hpyen ma ni hpe hkang da mu ai.

KASA 5:33

Kongsi hpawng hta lawm ai ni dai ga na jang shanhte ja ja masin pawt bu nna kasa ni hpe shanhte sat kau mayu da mu ai.

KASA 7:54

Yuda tara kongsi hpung hta lawm ai ni gaw Stehpan a ga hpe na jang masin nachying pawt nna wa wudik let yu da mu ai.

KASA 7:57

Shaloi shanhte gaw aja awa jahtau let tinang a na ni hpe pat kau nhtawm lang lata rau shi hpang de htim nna,