LUKA 23:40 - Jinghpaw Common Language Bible 2009

⁴⁰ Langai wa mi chyawm gaw, “Nang mung ndai wa hte maren daw dan ai hkrum da ninglen, Karai Kasang hpe pyi n hkrit n ni?

Jinghpaw Hanson Version Bible

⁴⁰ Langai wa mi chyawm gaw, “Nang mung dawdan ai ndai hte wa hkrum da ninglen, Karai Kasang hpe pyi n hkrit n ni?

LUKA 23:40 ပူးပေါင်းရင်းမြစ်များ

2 HKAWHKAM LABAU 28:22

Ahaza a ru yak ni gaw grai sawng wa ti mung dai masha Ahaza gaw shawng de na hta grau sawng hkra dai Madu hpe shut kau nga ai.

SHAKAWN KUNGDAWN 36:1

Yubak gaw tara n lang ai masha wa a sung ai myit kraw kata hta shaga nga ai; shi gaw Karai Kasang hpe nyet kau nhtawm shi hpe hkrit hkungga ai lam hpa mung n nga ai, ngu nga ai.

YEREMIA 5:3

Dai Madu gaw kaja wa kangka ai hpe tam nga ai. Shi nang hpe kayat ti mung, nang hpa zawn n nawn nga ndai; shi nang hpe agrawp mani kau ti mung, sharin la na matu nang ningdang kau nga ndai. Nang gaw du ja nna na a yubak ni kaw na n kayin wa nga ndai.

JAW JAU 19:17

“Kadai hte mung n pyaw n ngawn hkum rai myit; shi a majaw yubak n galaw kau u ga, shi hte hpai shai ai lam hpe hkam sharang lu na rai myit dai.

MAHTE 20:9

Shana de hkying manga hta amu shang galaw ai ni hpe gumhpraw lap lap hpra gu hkra jaw mu ai.

MAHTE 8:26

Shi gaw, “Kam sham myit n law la ai ni e, hpa rai hkrit nga myit ta?,” ngu nna shanhte hpe tsun mu ai. Shaloi shi rawt nna nbung ni hte hkaleng ni zim mat na matu hkang da wu ai, shing rai nachying atsin sim rai nga ai.

LUKA 12:5

Kadai hpe sha hkrit mai ai gaw, ngai nanhte hpe madun dan made ga. Masha hpe sat kau ngut jang, ngarai kata de jahkrat kau na ahkang lu ai Karai Kasang hpe chyawm gaw hkrit nga mu, ngai tsun ai hpe kam mu, shi gaw nanhte hkrit ra ai wa nan rai nga ai!

LUKA 23:39

Wudang hta noi nga ai damya langai wa mi mung, “Nang gaw Meshia n rai n ni? Na hkum dai hte an hpe mung hkye la mi!,” ngu nna roi adawk dat wu ai.

LUKA 23:41

An gaw tinang a mara majaw hkrum ging ai hte maren, daw dan ai hkrum ga ai: ndai wa chyawm gaw, n sun n ang shut ai amu hpe mung n galaw ai wa rai nga ai,” nga nna dai wa hpe daru let htan wu ai.

EHPESU 5:11

Nsin hta hkawm sa nga ai masha ni galaw ai akyu n rawng ai nsin hte seng ai bungli ni hpa mung n hkan galaw ai sha, dai amu ni hpe nhtoi de shadan dan nga mu.

SHINGRAN 15:4

Madu e, nang hpe n hkrit hkungga ai kadai wa nga lu na rai ta? Nang galu kaba nga ai hpe n yin la ai kadai nga lu na rai ta? Nang chyu sha chyoi pra nga ndai; nang galaw ai amu ni ding hpring nga ai lam yawng mu lu ma ai majaw, masha amyu baw shagu ni, na a man e, sa nawku na mara ai law!,” nga nna tsun ma ai.

SHINGRAN 16:11

Shing rai shanhte a machyi ai hte hpye shanam ai ana a majaw, shanhte gaw sumsing lamu na Karai Kasang hpe matsa shatan ma ai. Rai ti mung tinang a n hkru n kaja ai arawn alai ni hta na myit malai n lu ma ai.