LUKA 23:4 - Jinghpaw Common Language Bible 2009

⁴ Shaloi Pilat gaw, “Ndai wa hta mara ngai n mu nngai,” ngu nna hkinjawng agyi ni hte shawa masha ni hpe tsun mu ai.

Jinghpaw Hanson Version Bible

⁴ Pilat chyawm gaw, “Ndai wa hta hpa mara mung ngai n mu we ai,” ngu nna hkinjawng agyi ni hte shawa masha ni hpe tsun mu ai.

LUKA 23:4 ပူးပေါင်းရင်းမြစ်များ

MAHTE 27:19

Ya Pilat gaw tara jeyang ai gawk e naw dung nga yang, shi a madu jan gaw masha langai mi hpe shi kaw shangun dat nna, “Dai ding hpring ai wa hpe hpa mung hkum di u, hpa majaw nga yang, mana na nye a yupmang hta e shi a majaw, ngai nni nkri law law wa hkrum sha ni ai,” ngu nna shiga langai mi htet dat wu ai.

MARKU 15:14

Rai ti mung Pilat gaw, “Shi n hkru ai mara hpa wa galaw hkrup sata?,” ngu nna san mu ai. Shanhte gaw nsen grau shaja let, “Wudang hta jen da u?,” nga jahtau ma ai.

LUKA 23:22

Pilat gaw masum lang ngu na bai tsun mu ai gaw, “Ndai wa n hkru ai amu hpa galaw hkrup sata? Shi hta si ging ai mara hpa mung ngai n mu we ai, dai majaw ngai shi hpe anu kayat sharim nna dat dat na we ai,” ngu nna shanhte hpe tsun mu ai.

YAWHAN 18:38

Pilat gaw, “Teng man ai ngu ai gaw hpa rai ta?,” ngu nna shi hpe san wu ai. Dai hpang Pilat gaw shinggan de Yuda masha ni kaw bai pru nna “Ndai wa hpe daw dan na matu hpa mara mung n mu tam lu nngai.

KASA 25:25

Rai ti mung, ndai wa hta sat kau ging ai mara hpa mung ngai n mu we ai. Shi nan Hkawseng kaw du na hpyi ai majaw sa dat na ngai myit daw dan da se ai.

KASA 3:13

Abraham, Isak hte Yaku a Karai Kasang ngu ai anhte ji wa ni a Karai Kasang gaw, shi a shangun ma Yesu hpe hpung shingkang shadan shapraw ya nu ai. Rai ti mung, nanhte chyawm gaw ahkang aya lu ai ni a lata de shi hpe ap kau myit dai rai nna, Pilat du wa pyi shi hpe dat kau na myit daw dan da sayang nanhte mahtang Pilat a man e shi hpe ndang kau myit dai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.

1 PETRU 1:19

Ana n kap ra n rawng ai sagu kasha hte bung ai hpu la ai Hkristu a asak hpe nawng ya kau ai hku nna, hkye hkrang la ai lam rai nga ai.

1 PETRU 2:22

Shi gaw yubak mara galaw yu ai n rai, shi a nten kaw na hkalem ai ga hkaw mi kadai na yu ai n rai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.