LUKA 23:35 - Jinghpaw Common Language Bible 2009

³⁵ Shawa masha ni gaw mada yu let tsap nga ma yang, Yuda agyi salang ni gaw mani jahpoi asawng let, “Masha kaga ni hpe shi hkye la ga ai; Karai Kasang e lata la ai Meshia shi nan rai yang mung, shi hkum shi hkye la u ga,”

Jinghpaw Hanson Version Bible

³⁵ Mung masha ni gaw mada yu let tsap nga ma ai. Du aya lu ai ni mung shi hpe asawng asang nga nna, “Masha kaga hpe shi hkye la ga ai; ndai wa gaw Karai Kasang a Hkristu ngu ai, Karai Kasang lata la ai wa rai yang gaw, shi hkum dai shi hkye la u ga,” nga ma ai.

LUKA 23:35 ပူးပေါင်းရင်းမြစ်များ

SHAKAWN KUNGDAWN 22:17

Nye a nra ni yawng kra dawng taw nga sai, nye a gumlau hpyen ni ngai hpe azi yu nga ma ai.

SHAKAWN KUNGDAWN 35:15

Rai ti mung, ngai ru yak tsin-yam hkrum nga ai shaloi, shanhte yawng kabu gara nga ma ai; ngai hpe jawm shinggrup da nna asawng asang di mi ai. Tsasam masha ni ngai hpe gayat ai hte ngai hpe n sim n sa kahpret nga ma ai.

SHAKAWN KUNGDAWN 4:2

Amyu masha ni ngai hpe galoi du hkra n kaw n law di na myit ni? Akyu n rawng ai lam hpe nanhte tsaw ra nga nna, shut hpyit ai lam de galoi du hkra hkan nang na ngu myit ni?

SHAKAWN KUNGDAWN 69:26

Shanhte gaw nang e ari jaw tawn da hkrum ai ni hpe zingri zingrat di nga ma ai; nang nma shakap da hkrum ai ni a nni nkri lam ni hpe shanhte shatan nga ma ai.

SHAKAWN KUNGDAWN 71:11

“Karai Kasang shi hpe kau da nu ai; anhte shi a hpang hkan nna shi hpe rim la ga, shi hpe mawai la na masha kadai mung n nga ai,” nga nna shanhte tsun ma ai.

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ESAIA 49:7

Israela a chyoi pra ai Karai Kasang hte hkye hkrang la ai wa gaw htum hkra n kaw n law di hkrum ai wa, masha amyu baw ni e n dawng hkrum ai wa hte mung du ni a shangun ma tai nga ai wa hpang de ning ngu tsun nga ai: “Hkawhkam ni gaw nang hpe dat kau dat ai mu na mara ai shanhte a hkungga lara ai hpe madun na matu rawt wa na mara ai; hkawhkam kasha ni mung dai hpe mu na mara ai, shanhte gaw nang hpe shagrau sha-a na matu gum dagup wa na mara ai.” Dai Madu gaw shi a shangun ma hpe lata la nu ai majaw ndai lam byin wa na ra ai; Israela a chyoi pra ai Karai Kasang gaw shi a ga sadi ni hpe shatup na ra ai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

SHARUNG SHAYAWT 3:14

Amyu masha ni mung ngai hpe shani tup mani ashu ma ai; ngai gaw shanhte yawng a shatu shakra shara tai nga nngai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

MAHTE 12:18

“Ngai lata la ai, nye a shangun ma, ngai tsaw ra ai hte sharawng awng ai wa hpe yu mu. Nye a Wenyi shi a ntsa e ngai bang da ya nna, shi gaw nye a daw dan ai lam hpe masha amyu ni hpang de tsun dan na wu ai.

MAHTE 3:17

Dai hpang, “Ndai wa gaw ngai sharawng awng nga ai, ngai tsaw ra ai Kasha rai nga li ai,” nga nna lamu de na nsen ngoi pru wa ai.

LUKA 16:14

Dai mahkra hpe Hparishe ni na ma yang, Yesu hpe asawng asang ngu mu ai, hpa majaw nga yang, shanhte gumhpraw marin ai ni rai nga ma ai.

LUKA 23:13

Pilat gaw hkinjawng agyi ni, Yuda du agyi salang ni hte mung masha ni hpe shaga jahpawng shangun wu ai.

LUKA 23:39

Wudang hta noi nga ai damya langai wa mi mung, “Nang gaw Meshia n rai n ni? Na hkum dai hte an hpe mung hkye la mi!,” ngu nna roi adawk dat wu ai.

1 PETRU 2:4

Dai Madu hpang de sa wa marit, shi gaw masha ni e akyu n rawng ai ngu nna lata kau ai ahkrung nga ai nlung rai nga ai; rai ti mung Karai Kasang e lata la ai hpu ging ai nlung tai wa sai.