LUKA 23:30 - Jinghpaw Common Language Bible 2009

³⁰ Dai nhtoi hta, masha ni gaw, bum ni hpe, ‘Anhte a ntsa e daw gamyet myit!,’ kawng ni hpe, ‘Anhte a ntsa e ka-up mi!,’ nga nna mung, shanhte hpyi shaga shajang na ma ra ai.

Jinghpaw Hanson Version Bible

³⁰ Dai nhtoi e, bum ni hpe, Anhte a ntsa e daw kamyet mi, nga nna mung, kawng ni hpe, Anhte a ntsa e ka-up mi, nga nna mung, shanhte shaga shajang na mara ai:

LUKA 23:30 ပူးပေါင်းရင်းမြစ်များ

ESAIA 2:19

Shi gaw ginding aga hpe ashun awam dat na matu du sa ai shaloi, amyu masha ni gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw nna myi man makoi lu na matu mung lungrawk lunghkrung bum na lungpu hku ni hta mung, ga e nhkun htu nna mung makoi gyem nga na mara ai.

ESAIA 2:20

Dai nhtoi du ai shaloi, shanhte gaw shanhte galaw ai aja gumhpraw hpara sumla ni hpe kabai kau nna dai ni hpe sharu ni hte patsip ni hpang de tawn kau da ya na ra ai.

HOSEA 10:8

Israela amyu masha ni nawku ai hpara sumla ni hpe tawn da ai Awen kawng pungding nawku shara ni mung jahten kau ai hkrum na ra ai. Tawn hkungri ntsa hkan e mung ju hpun ni hte tsingdu tu lim kau na ra ai. Shaloi amyu masha ni gaw bum ni hte kawng ni e, “Anhte hpe makoi da mi! Anhte hpe ka-up da mi!,” ngu nna jahtau tsun na mara ai.

LUKA 23:31

Hpun katsing nga yang pyi dai lam ni ndai zawn byin ai rai yang, hkraw mat ai aten hta hpa byin wa na rai ta?,” ngu mu ai.

SHINGRAN 6:16

Shanhte gaw bum ni hte lunghkrung ni hpe shaga nna, “Anhte a ntsa e hkrat bun mi, tingnyang hta dung nga ai wa a myi man hte Sagu Kasha a pawt bu ai hta na, anhte hpe magap maga la mi!

SHINGRAN 9:6

Dai shata manga laman shanhte si nhpang tam na mara ai; rai ti mung shanhte dai hpe mu na mu ai n rai; shanhte si mayu na mara ai, rai tim si hkrung si htan gaw shanhte kaw na hprawng mat na ra ai.