LUKA 23:22 - Jinghpaw Common Language Bible 2009

²² Pilat gaw masum lang ngu na bai tsun mu ai gaw, “Ndai wa n hkru ai amu hpa galaw hkrup sata? Shi hta si ging ai mara hpa mung ngai n mu we ai, dai majaw ngai shi hpe anu kayat sharim nna dat dat na we ai,” ngu nna shanhte hpe tsun mu ai.

Jinghpaw Hanson Version Bible

²² Dai rai nna Pilat gaw masum lang ngu na hta, bai tsun wu ai gaw, “Ndai wa n hkru ai amu hpa galaw hkrup sata? shi hta si ging ai mara hpa mung ngai n mu we ai: dai majaw ngai shi hpe anu sharim nna dat dat na we ai,” ngu nna shanhte hpe tsun mu ai.

LUKA 23:22 ပူးပေါင်းရင်းမြစ်များ

LUKA 23:14

Dai hpang, “Ndai wa gaw, mung masha ni hpe lam woi shadam ai wa re,” nga nna shi hpe nanhte ngai kaw woi sa myit dai, ya ngai ndai wa hpe nanhte a man e jep san yu yang, nanhte shagun ai mara lam hpa mung, ndai wa hta ngai n mu we ai.

LUKA 23:16

Dai majaw, ngai shi hpe anu kayat sharim nna dat na we ai,” ngu nna shanhte hpe tsun mu ai.

LUKA 23:20

Pilat gaw Yesu hpe dat dat mayu wu ai rai nna, shawa masha ni hpe bai shaga tsun mu ai.

LUKA 23:21

Rai ti mung shanhte gaw, “Dai wa hpe wudang hta jen da u! Wudang hta jen da u!,” nga nna jahtau nga ma ai.

LUKA 23:23

Shanhte mahtang nsen kaba hte jahtau nna, Yesu hpe wudang hta jen da na lam atik anang hpyi ma ai majaw, hpang jahtum shanhte hpyi ai lam lu la mat wa manu ai.

LUKA 23:4

Shaloi Pilat gaw, “Ndai wa hta mara ngai n mu nngai,” ngu nna hkinjawng agyi ni hte shawa masha ni hpe tsun mu ai.

1 PETRU 1:19

Ana n kap ra n rawng ai sagu kasha hte bung ai hpu la ai Hkristu a asak hpe nawng ya kau ai hku nna, hkye hkrang la ai lam rai nga ai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.