LUKA 23:20 - Jinghpaw Common Language Bible 2009

²⁰ Pilat gaw Yesu hpe dat dat mayu wu ai rai nna, shawa masha ni hpe bai shaga tsun mu ai.

Jinghpaw Hanson Version Bible

²⁰ Pilat gaw Yesu hpe dat dat mayu wu ai rai nna, shanhte hpe bai shaga tsun mu ai:

LUKA 23:20 ပူးပေါင်းရင်းမြစ်များ

MAHTE 27:19

Ya Pilat gaw tara jeyang ai gawk e naw dung nga yang, shi a madu jan gaw masha langai mi hpe shi kaw shangun dat nna, “Dai ding hpring ai wa hpe hpa mung hkum di u, hpa majaw nga yang, mana na nye a yupmang hta e shi a majaw, ngai nni nkri law law wa hkrum sha ni ai,” ngu nna shiga langai mi htet dat wu ai.

MARKU 15:15

Pilat gaw shawa masha ni hpe myit shapyaw ya mayu ai hte, shanhte a matu Baraba hpe dat ya mu ai. Dai hpang Yesu hpe anu kayat nhtawm jen sat kau na matu ap kau dat mu ai.

LUKA 23:19

(Baraba gaw, mare e gumlau ai amu hte masha sat ai amu a majaw, htawng hkrat nga ai wa rai nga ai.)

LUKA 23:21

Rai ti mung shanhte gaw, “Dai wa hpe wudang hta jen da u! Wudang hta jen da u!,” nga nna jahtau nga ma ai.

YAWHAN 19:12

Dai ga na jang Pilat gaw Yesu hpe shalawt kau dat na lam tam nga ai. Rai ti mung shawa masha ni gaw, “Nang dai wa hpe shalawt dat sayang gaw, nang Hkawseng wa a jinghku n rai nit dai! Kadai rai ti mung tinang hkum hpe hkawhkam rai nngai nga ai wa gaw hkawseng wa hpe gumlau ai wa rai nga ai,” nga nna jahtau ma ai.