LUKA 23:2 - Jinghpaw Common Language Bible 2009

² Shanhte gaw, “Ndai wa gaw, anhte a amyu hpe lam woi shadam ai hte, hkawseng kaw hkanse bang na lam hkum da nna, shi hkum dai hkawhkam rai nngai, nga nna tsun nga ai hpe anhte mu ga ai,” ngu nna shi hpe mara shagun mu ai.

Jinghpaw Hanson Version Bible

² “Ndai wa gaw anhte a amyu hpe lam woi shadam ai hte, Kehta hkawhkam hpang de hkansi bang na lam hkum da nna, shi hkum dai Hkristu ngu ai hkawhkam rai nga ai, nga nna tsun nga ai hpe, anhte mu ga ai,” ngu nna shi hpe mara jun mu ai.

LUKA 23:2 ပူးပေါင်းရင်းမြစ်များ

1 HKAWHKAM 18:17

Ahab shi hpe mu jang, Ahab gaw, “Israela mung hta ru yak tsin-yam tsindam sawng hkra jaw ai wa gaw nang she rai nga n hka i!,” ngu nna tsun wu ai.

SHAKAWN KUNGDAWN 35:11

N hkru n shawp ai masha ni gaw ngai hpe nhtan shai ai hku sakse hkam ya nna; ngai hpa mung n chye lawm ai ru hka amu ni hte ngai hpe mara shagun ma ai.

SHAKAWN KUNGDAWN 62:4

Shi hpe shagrau shatsaw da ai shara kaw nna chyu sha nanhte shi hpe gang jahkrat kau mayu nga myit dai, nanhte gaw masu magaw ga tsun na hpe ra sharawng nga myit dai. Shaman ga ni hpe nanhte tsun nga myit ti mung, nanhte shi hpe nanhte a myit masin kata kaw nna dagam dala ga tsun nga myit dai.

YEREMIA 20:10

Masha shagu gaw, “Hkrit hpa gaw shara shagu hkan nga nga ai! shing rai anhte shi hpe ahkaw ahkang lu ai ni hpang de tang madun ga!,” nga nna kadum kahte tsun ai ga hpe ngai na nngai. Nye a hku hkau ai jinghku ni pyi nye a hkrat sum na lam hpe la mada yu nga ma ai. Shanhte gaw, “Shi hpe mahkoi lau la lu nhten; shaloi anhte shi hpe lu rim ai hte matai dawp lu na ga ai,” nga nna tsun ai.

YEREMIA 38:4

Dai hpang, du salang ni gaw hkawhkam wa hpang de sa nna, “Ndai masha wa gaw si ging nga ai. Shi gaw dai zawn nga ai ga tsun shaga ai majaw mare kata na hpyenla ni hpe shanhte a n-gun marai shadaw kau ya nu ai; shi gaw ndai mare hta naw ngam nga ai masha shagu hte hpe karum na matu, shakut ai wa n rai, shanhte hpe nchyi nmu machyi shangun na ra sharawng ai wa sha rai nga ai,” ngu nna tsun dan ma ai.

AMO LAIKA (AMOS) 7:10

Behtela na hkinjawng Amazia gaw Israela a Hkawhkam Yeroboam hpang de ning ngu shiga shana dat wu ai: “Amo gaw amyu masha ni a lapran e nang hpe gumlau na matu maw mawn nga ai. Shi a tsun shaga ai ga ni gaw mungdan hpe jahten nga ai.

ZEHKARIA 11:8

Ngai hpe n dawng ai kaga sagu rem masum hpe n yu sharang lu ai majaw shanhte yawng hpe shata mi laman yeng seng kau nngai.

MAHTE 17:27

Rai ti mung, an a majaw shanhte myit n kataw mu ga, nawng de sa nna nga myek jahkrat bang u; shawng lu ai nga hpe shaw la nhtawm, nga n-gup gang mahka dat yang, Shekela pa mi nang mu na ndai; dai hpe la nna, ngai hte na a matu shanhte hpe ya u,” ngu nna shi hpe tsun wu ai.

MAHTE 22:21

Shanhte gaw, “Kehta a sumla hte masat laika kap nga ai,” ngu nna htan mu ai. Shaloi shi gaw, “Dai rai yang gaw, Kehta hte seng ai hpe gaw Kehta hpe ya mu; Karai Kasang hte seng ai hpe gaw, Karai Kasang hpe ya mu,” ngu nna shanhte hpe tsun mu ai.

MAHTE 27:11

Ya, Yesu gaw Roma munggyi a man e tsap nga ai: munggyi gaw, “Nang Yuda ni a Hkawhkam rai nga n ni?,” ngu nna shi hpe san wu ai. Yesu htan nna, “Nang tsun ai hte maren rai nga nngai,” ngu wu ai.

MARKU 12:17

Yesu gaw, “Kaja sai, shaloi rai jang gaw, Kehta hte seng ai hpe gaw Kehta hpe jaw mu, Karai Kasang hte seng ai hpe gaw, Karai Kasang hpe jaw mu,” ngu nna shanhte hpe tsun mu ai. Shanhte mahtang shi a lam grai mau mat nga ma ai.

MARKU 15:2

Pilat gaw, “Nang Yuda ni a Hkawhkam rai nga n ni?,” ngu nna shi hpe san wu ai. Yesu gaw, “Nang dai hku tsun nga ndai,” ngu nna htan wu ai.

LUKA 23:14

Dai hpang, “Ndai wa gaw, mung masha ni hpe lam woi shadam ai wa re,” nga nna shi hpe nanhte ngai kaw woi sa myit dai, ya ngai ndai wa hpe nanhte a man e jep san yu yang, nanhte shagun ai mara lam hpa mung, ndai wa hta ngai n mu we ai.

LUKA 23:5

Rai ti mung shanhte mahtang grau nna ja ai nsen hte, “Ndai wa gaw Yuda mung ting hte Galile mung kaw nna, ya ndai kaw du hkra sharin shaga nga ai hte, mung masha ni hpe woi kabrawng wu ai,” nga nna tsun anin shadut ma ai.

YAWHAN 18:29

Dai re ai majaw Pilat gaw shanhte nga ai de pru nna, “Ndai wa hta nanhte hpa mara shagun mu ta?,” ngu nna san mu ai.

YAWHAN 18:30

Shanhte gaw, “Ndai wa tara lama ma tawt lai ai wa n rai yang gaw, shi hpe nang hpang de anhte woi sa wa na n rai,” ngu nna htan mu ai.

YAWHAN 19:12

Dai ga na jang Pilat gaw Yesu hpe shalawt kau dat na lam tam nga ai. Rai ti mung shawa masha ni gaw, “Nang dai wa hpe shalawt dat sayang gaw, nang Hkawseng wa a jinghku n rai nit dai! Kadai rai ti mung tinang hkum hpe hkawhkam rai nngai nga ai wa gaw hkawseng wa hpe gumlau ai wa rai nga ai,” nga nna jahtau ma ai.

KASA 24:13

Ya shanhte ngai e mara shangun ai lam ni hte seng nna nang hpe shanhte sakse n madun lu ma ai.

KASA 24:5

Ndai wa gaw, grai hkrit tsang ra ai dingbai dingna jaw ai wa, mungkan ting na Yuda masha ni kabring kabrawng woi galaw ai wa re ai hta n ga, Nazaret wa a hpung hta lawm ai ningbaw ningla langai mi mung rai nga ai.

ROMA 13:7

Dai rai nna shanhte hpe nanhte jaw ang ai made jaw mu; nanhte jaw ra ai hkansi hte kang nga manga hte hpe jaw mu. Shanhte yawng hpe hkungga lara ai lam hte shagrau shareng ai lam galaw mu.