LUKA 23:16 - Jinghpaw Common Language Bible 2009

¹⁶ Dai majaw, ngai shi hpe anu kayat sharim nna dat na we ai,” ngu nna shanhte hpe tsun mu ai.

Jinghpaw Hanson Version Bible

¹⁶ dai majaw ngai shi hpe anu sharim nna dat dat na we ai,” ngu nna shanhte hpe tsun mu ai.

LUKA 23:16 ပူးပေါင်းရင်းမြစ်များ

ESAIA 53:5

Rai ti mung, anhte a yubak mara ni a majaw shi gaw hkala nba hkrum nga sai, anhte galaw ai n hkru ai amu a majaw kayat hkrum nga nu ai. Anhte gaw shi hkrum sha ai nni nkri ari a majaw mung, shi hkum ting htwi hkrum ai a majaw mung, shamai shatsai hkrum nga ga ai.

MAHTE 27:26

Dai shaloi, Pilat gaw Baraba hpe shanhte a matu dat ya mu ai. Yesu hpe mahtang shi kayat nna, wudang hta jen sat kau na matu ap kau dat wu ai.

MARKU 15:15

Pilat gaw shawa masha ni hpe myit shapyaw ya mayu ai hte, shanhte a matu Baraba hpe dat ya mu ai. Dai hpang Yesu hpe anu kayat nhtawm jen sat kau na matu ap kau dat mu ai.

LUKA 23:17

Pilat hkawhkam gaw, Shalai wa ai Poi shagu hta, shawa masha ni a matu bawng masha langai ngai hpe shalawt dat ya ai htung lai shi hta nga lu ai.

LUKA 23:22

Pilat gaw masum lang ngu na bai tsun mu ai gaw, “Ndai wa n hkru ai amu hpa galaw hkrup sata? Shi hta si ging ai mara hpa mung ngai n mu we ai, dai majaw ngai shi hpe anu kayat sharim nna dat dat na we ai,” ngu nna shanhte hpe tsun mu ai.

LUKA 6:37

“Masha ni hpe hkum jeyang myit, shaloi she Karai Kasang mung nanhte hpe n jeyang na ra ai, masha ni hpe mara hkum shagun mu, shing rai yang, Karai Kasang mung nanhte hpe mara n shagun na ra ai. Masha ni hpe mara dat ya mu, shaloi Karai Kasang mung nanhte hpe mara dat ya na ra ai.

KASA 16:37

Rai ti mung Pawlu gaw, “An Roma mungchying sha she rai nga ga ai hpe hpa mara hte mung garai n san daw dan yang, masha a man e an hpe kayat nna htawng hta jahkrat da myit htawm me, ya atsin sha lagyim dat dat na maw ma hka i? Dai hku an pru mat wa na n rai law! Shanhte hkum lala she sa shapraw la mi ga,” ngu nna shanhte hpe htan dat mu ai.