LUKA 23:11 - Jinghpaw Common Language Bible 2009

¹¹ Herod hte shi a hpyen ma ni Yesu hpe n kaw n law aroi arip jahpoi asawng di nna reng ai hpun palawng jahpun nhtawm, Pilat hpang de bai nhtang sa shangun dat mu ai.

Jinghpaw Hanson Version Bible

¹¹ Herod mung shi a hpyen masha ni hte shi hpe aroi arip di nna, jahpoi asawng nhtawm, reng ai hpun palawng jahpun nna, Pilat hpang de bai nhtang sa shangun mu ai.

LUKA 23:11 ပူးပေါင်းရင်းမြစ်များ

SHAKAWN KUNGDAWN 22:6

Rai ti mung, ngai gaw masha langai mi n rai mat ni ai; latung shingtai langai mi rai nga nngai, masha shagu e n kaw n law re ai hte matsat kau ai hkrum nga nngai!

ESAIA 49:7

Israela a chyoi pra ai Karai Kasang hte hkye hkrang la ai wa gaw htum hkra n kaw n law di hkrum ai wa, masha amyu baw ni e n dawng hkrum ai wa hte mung du ni a shangun ma tai nga ai wa hpang de ning ngu tsun nga ai: “Hkawhkam ni gaw nang hpe dat kau dat ai mu na mara ai shanhte a hkungga lara ai hpe madun na matu rawt wa na mara ai; hkawhkam kasha ni mung dai hpe mu na mara ai, shanhte gaw nang hpe shagrau sha-a na matu gum dagup wa na mara ai.” Dai Madu gaw shi a shangun ma hpe lata la nu ai majaw ndai lam byin wa na ra ai; Israela a chyoi pra ai Karai Kasang gaw shi a ga sadi ni hpe shatup na ra ai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

MAHTE 14:1

Dai aten hta e, Galile Ginwang up ai Herod munggyi gaw Yesu a kajai gumhkawng ai shiga hpe na lu wu ai.

MAHTE 14:3

Herod gaw shawng kaw nna kanau Hpilip a madu jan Herodia a majaw, Yawhan hpe rim gyit la nhtawm htawng e bang da nu ai.

MAHTE 14:6

Ya, Herod a shangai nhtoi hta, Herodia a shayi sha gaw, dai poi shawa hpawng yawng a ka-ang e sa pru ka ai hte Herod hpe myit grai wa shapyaw ya wu ai.

MARKU 9:12

Shi gaw, “Arai yawng mayawng shajin da chyalu rai na matu, Elia shawng du sa ai gaw teng nga ai; Rai ti mung dai Chyum Laika ni hta, ‘Masha Kasha gaw nni nkri law law hpe mung, ningdang nyet kau ai mung hkrum sha na wu ai,” nga nna hpa rai ka da nga a ta?

LUKA 23:10

Hkinjawng agyi ni hte Tara sara ni gaw shawng de pru tsap nna, shi hpe aja awa mara shagun ai lam galaw nga ma ai.

YAWHAN 19:5

Yesu mung ju lagup gup ai hte palawng ahkyeng hpun let pru wa ai. Shaloi Pilat gaw “Ndai masha wa hpe yu mu!,” ngu nna shanhte hpe tsun mu ai.

YAKU 2:2

Ga shadawn, lu su ai masha langai mi gaw ja lachyawp chyawp nna reng ai hpun palawng bu hpun ai wa langai mi hte matsan ai masha langai mi ashep ashin re ai hpun palawng bu hpun nna nanhte a hpawng de sa wa ai ngu ga,

YAKU 2:3

Nanhte gaw dai reng ai hpun palawng bu hpun ai wa hpe grau hkungga nna, “Ndai kaja dik ai shara kaw dung u,” ngu nhtawm, matsan ai wa hpe gaw, “Wo nang e tsap u, shing n rai nang e nye a lagaw nhpang dun ntsa dung u,” nga ai rai yang,