LUKA 22:61 - Jinghpaw Common Language Bible 2009

⁶¹ Shaloi Madu gaw kayin nna, Petru hpe mada yu wu ai. Dai rai nna Petru gaw, “Dai na pyi u garai n goi yang, nang ngai hpe masum lang nyet kau na rin dai,” nga nna Madu shi hpe tsun ai ga dum dat wu ai.

Jinghpaw Hanson Version Bible

⁶¹ Shaloi Madu gaw kayin nna, Petru hpe mada yu wu ai. Dai rai nna Petru gaw, “Dai ni pyi, u garai n goi yang, nang ngai hpe masum lang nyet kau na rin dai,” nga nna Madu shi hpe tsun ai ga dum dat wu ai:

LUKA 22:61 ပူးပေါင်းရင်းမြစ်များ

YOBA 33:27

Masha shagu gaw shawa masha ni hpe, “Ngai shut kau ni ai. Ngai gaw jaw ai n galaw kau ni ai, rai ti mung Karai Kasang gaw ngai hpe ngam da nga ai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

HOSEA 11:8

“Israela e, Ngai nang hpe kaning rai tawn kau da lu na rai ta? Ngai nang hpe kaning rai kabai kau da lu na rai ta? Ngai gaw nanhte hpe Adma mare hpe di ai zawn kaning rai shamyit kau lu na rai ta? Zeboim hpe di ai zawn nanhte hpe kaning rai di lu na rai ta? Nye a myit masin mung ngai hpe dai hku galaw shangun nga ai n rai! Nanhte a matu nye a tsaw ra ai myit gaw nau wa n-gun ja nga li ai.

MAHTE 26:34

Yesu gaw, “Ngai nang hpe kaja wa teng teng tsun de ga, dai na u garai n goi yang, nang ngai hpe masum lang nyet kau na rin dai,” ngu nna shi hpe tsun wu ai.

MAHTE 26:75

Dai rai nna Petru gaw, “U garai n goi yang, nang ngai hpe n chye nngai nga nna masum lang nyet kau na rin dai,” nga nna Yesu tsun ai ga hpe bai myit dum dat wu ai. Shaloi shi gaw shinggan de pru nna ja ja hkrap nga ai.

MARKU 5:30

Yesu gaw, shi hta na atsam pru wa sai hpe, shi kalang ta chye wu ai majaw, shawa hpawng de kayin nna, “Nye a hpun palawng hpe kadai ahtawk hkra a ta?,” ngu nna san mu ai.

LUKA 10:41

Dai Madu gaw, “Marhta, Marhta, nang gaw amu law law a majaw, myit ru nna tsang nga ndai.

LUKA 22:34

Yesu gaw, “Petru e, ngai nang hpe tsun de ga, dai na pyi, u garai n goi yang, nang ngai hpe n chye nngai nga nna masum lang nyet kau na rin dai,” ngu wu ai.

LUKA 22:60

Petru gaw, “La nang e, nang hpa tsun nga ai hpe ngai n chye nngai!” ngu wu ai. Shing nga naw tsun nga yang, u la langai mi goi sai.

LUKA 22:62

Shaloi Petru gaw shinggan de pru nna ja ja hkrap nga ai.

LUKA 7:13

Madu gaw, dai gaida jan hpe mu jang, shi hpe matsan yu dum nna, “Hkum hkrap et,” shi hpe ngu wu ai.

LUKA 7:19

Yawhan gaw, shi a sape lahkawng hpe shaga la nhtawm, dai Madu hpang de shangun dat nna, “Nang gaw Yawhan tsun ai dai du sa na ra ai wa rai nga n ni?,” ngu nna san dat wu ai. “Shing n rai kaga hpe anhte naw myit mada lu na rai nga a ni?,” ngu nna shi hpe san mu ai.

YAWHAN 13:38

Yesu gaw, “Nang kaja wa nye a matu si hkam na jin chyalu rai nit ni? Kaja wa teng teng ngai nang hpe tsun de ga, U garai n goi yang, nang ngai hpe masum lang nyet kau na rin dai,” ngu nna shi hpe htan wu ai.

KASA 5:31

Israela amyu masha ni hpe myit malai lu shangun nna shanhte a mara raw dat kau ya ai ahkaw ahkang jaw ya na matu Karai Kasang gaw dai Madu hpe shi a hkra maga dung nga shangun nna ningbaw ningla hte Hkye hkrang la ai wa tai na matu shagrau shatsaw da nu ai.

EHPESU 2:11

Shawng e hkum shan lam hku nna maigan masha ni rai nga myit dai. Nanhte hpe matu n gadoi ai ni ngu nna (masha a lata hte sha galaw ai) matu gadoi hkam ai Yuda masha ni e shamying da myit dai hpe myit dum mu.

SHINGRAN 2:5

Dai rai nna nang gade daram di hkrat yu mat wa sai lam hpe myit yu u! Na a yubak mara ni kaw na kayin wa nna shawng de na zawn bai hkan sa galaw u. Na a yubak mara ni kaw na bai n kayin wa yang gaw, ngai nang kaw du nna na a pyengdin hpe de a shara na sit kau ya na de ai.