LUKA 22:52 - Jinghpaw Common Language Bible 2009

⁵² Dai hpang Yesu gaw, shi hpe rim la na du sa ai hkinjawng agyi ni, Nawku Htingnu sin ai hpyen du ni hte agyi salang ni hpe, “Nanhte gaw gumlau langai mi hpe rim la ai zawn ngai hpe rim la na matu, nhtu ni dawhkrawng ni hte rai nna pru sa wa marin ni?

Jinghpaw Hanson Version Bible

⁵² Bai Yesu gaw shi hpang de du sa ai hkinjawng agyi ni, nawku Htingnu sin ai hpyen du ni hte agyi salang ni hpe, “Nanhte gaw damya hpe rim la na zawn, nhtu dawhkrawng hte rai nna pru sa marin ni?

LUKA 22:52 ပူးပေါင်းရင်းမြစ်များ

2 HKAWHKAM 11:15

Yehoiada mahtang Ahtalia hpe Nawku Htingnu wang e n sat kau mayu wu ai majaw hpyen luksuk du ni hpe ning ngu hkang dat wu ai: “Sin langa ni nga ai lam yan lapran hku shi hpe woi shapraw mat wa mu; shi hpe hkye mawai la mayu ai wa kadai hpe mung sat kau na rai myit dai.”

MAHTE 26:47

Yesu ga naw tsun nga yang, sape shi lahkawng hta lawm ai Yuda du sa wa ai. Hkinjawng agyi ni hte mung masha ni a salang ni e shangun dat ai nhtu hte dawhkrawng ni lang ai shawa hpawng kaba shi hte rau lawm sa wa ma ai.

MAHTE 26:55

Dai hpang Yesu gaw shawa masha ni hpe, “Damya hpe rim la ai zawn, ngai hpe rim la na, nanhte nhtu, dawhkrawng hte pru sa wa marin ni? Ngai shani shagu Nawku Htingnu hta e dung nna sharin shaga nga ai ten hta, nanhte ngai hpe n rim la manit dai.

LUKA 22:37

Hpa majaw nga yang, ngai nanhte hpe tsun made ga, ‘Dai wa gaw tara tawt lai ai ni hta lawm nga ai,’ nga nna nye a lam ka da ai hte maren, ngai hta byin na ra ai. Dai gaw nye a lam ka da ai chyum ga hte maren byin nga sai majaw rai nga ai,”

LUKA 22:4

Dai majaw Yuda gaw pru wa nhtawm, Hkinjawng Agyi Kaba ni hte Nawku Htingnu sin ai hpyen du ni kaw Yesu hpe kaning di ap kau ya na lam shanhte hte sa bawng ban wu ai.

LUKA 22:51

Rai ti mung Yesu gaw, “Dai ram sai!” ngu nna tsun ngut jang, dai mayam a na hpe ahtawk nna shamai ya wu ai.

LUKA 22:53

Ngai shani shagu Nawku Htingnu e, nanhte hte rau nga nga yang, nanhte ngai hpe hpa rai n rim myit ta? Rai ti mung ndai ahkying gaw nanhte a ahkying rai nga ai hte nsin a n-gun atsam up ai aten mung rai nga ai,” ngu mu ai.

YAWHAN 17:12

Ngai shanhte hte rau nga nga ai hte yang, nang ap ya da ai mying nsang a hpung shingkang atsam hte shanhte shim nga hkra bau sin makawp maga mase ai. Dai Chyum Laika hta rawng ai ga hte maren dik wa u ga she, kaja wa hten bya sum hkrum na rai nga ai masha langai mi hta lai nna kaga kadai langai mi pyi hten bya sum hkrum ma ai n rai.

KASA 5:26

Dai rai nna hpyen du wa gaw shi a hpyen la ni hte sa nna kasa ni hpe bai sa woi la mu ai, rai ti mung aja awa n di wam mu ai, hpa majaw nga yang, shawa masha ni nlung hte kabai wa na hpe hkrit da mu ai.