LUKA 22:38 - Jinghpaw Common Language Bible 2009

³⁸ Sape ni gaw, “Madu e, yu u! Nang e nhtu lahkawng nga nga ai,” ngu nna tsun mu yang, Yesu gaw, “Dai hte ram sai,” ngu nna shanhte hpe tsun mu ai.

Jinghpaw Hanson Version Bible

³⁸ Dai rai nna shanhte gaw, “Madu e, yu u, nang e nhtu lahkawng nga nga ai,” ngu nna tsun dan mu yang, shi gaw, “Dai hte ram sai,” ngu nna shanhte hpe tsun mu ai.

LUKA 22:38 ပူးပေါင်းရင်းမြစ်များ

MAHTE 26:51

Dai shaloi Yesu hte rau nga ai ni hta na marai langai mi shi a nhtu shaw nhtawm hkinjawng agyi a mayam hpe kahtam nna, shi na di mat lu ai.

LUKA 22:36

Yesu gaw, “Rai ti mung ya gaw, gumhpraw sumbu, nhpye, lu ai wa gaw la gun u ga; nhtu n lu ai wa gaw hpun palawng kaba dut nna mari u ga.

LUKA 22:49

Yesu hte rau nga ai sape ni gaw, hpa baw byin wa hkyen nga ai ngu ai hpe tau chye ma ai majaw, “Madu e, anhte nhtu hte kahtam na rai ni?,” ngu nna san mu ai.

YAWHAN 18:36

Yesu gaw, “Nye a mungdan ndai mungkan ga hte n seng li ai; nye a mungdan ndai mungkan ga hte seng ai rai yang gaw, ngai Yuda masha ni a lata de n shang hkra, nye a ali ama ni gasat na masai. Kaja wa nye a mungdan gaw ndai mungkan hte n seng li ai,” ngu nna htan wu ai.

1 HTESALONI 5:8

Rai ti mung anhte gaw nhtoi a kashu kasha ni rai nga ga ai majaw htauli htaula hte sadi maja nga ra ga ai. Anhte gaw makam masham hte tsaw ra ngu ai sinda magap hpe dagap nna, anhte a hkye hkrang la hkrum na hpe myit mada ai lam ngu ai hpri gupchyawp chyawp nga ga.

1 PETRU 5:9

Nanhte gaw nanhte hkam la sai makam masham hpe shangang shakang da nhtawm, dai hpyen wa hpe hkap shingdang gasat mu; hpa majaw nga yang, mungkan ting na nanhte a kam sham ai hpu nau ni mung dai hte bung ai nni nkri ni hpe hkam nga ai lam nanhte chye nga myit dai.