LUKA 22:36 - Jinghpaw Common Language Bible 2009

³⁶ Yesu gaw, “Rai ti mung ya gaw, gumhpraw sumbu, nhpye, lu ai wa gaw la gun u ga; nhtu n lu ai wa gaw hpun palawng kaba dut nna mari u ga.

Jinghpaw Hanson Version Bible

³⁶ Shaloi shi shanhte hpe, “Ya chyawm gaw gumhpraw jan lu ai wa gaw, la gun u ga; htingpa lu ai wa mung, la hpye u ga; nhtu n lu ai wa gaw, hpun palawng dut nna mari u ga:

LUKA 22:36 ပူးပေါင်းရင်းမြစ်များ

MAHTE 10:10

hkrun lam na matu nhpye hte palawng shajan hkum gun, kyepdin hte dawhkrawng mung hkum lang myit: hpa majaw nga yang, amu galaw ai wa gaw shi a shahpa lu la ging nga ai.

LUKA 22:35

Dai hpang Yesu gaw shi a sape ni hpe tsun mu ai gaw, “Gumhpraw sumbu, nhpye, hkyepdin n gun n lang ai sha, ngai nanhte hpe shangun dat ai shaloi, nanhte hta lama ma ra kadawn ai lam nga malit ni?,” ngu nna san mu yang, “Hpa mung n ra ga ai,” ngu mu ai.

LUKA 22:37

Hpa majaw nga yang, ngai nanhte hpe tsun made ga, ‘Dai wa gaw tara tawt lai ai ni hta lawm nga ai,’ nga nna nye a lam ka da ai hte maren, ngai hta byin na ra ai. Dai gaw nye a lam ka da ai chyum ga hte maren byin nga sai majaw rai nga ai,”

LUKA 22:38

Sape ni gaw, “Madu e, yu u! Nang e nhtu lahkawng nga nga ai,” ngu nna tsun mu yang, Yesu gaw, “Dai hte ram sai,” ngu nna shanhte hpe tsun mu ai.

YAWHAN 15:20

‘Mayam gaw madu hta grau kaba ai n rai,’ ngu nna ngai nanhte hpe tsun ai ga hpe dum nga mu; ngai hpe pyi zingri zingrat ma ai rai yang gaw, nanhte hpe mung zingri zingrat na mara ai. Shanhte nye a ga madat mara ma yang gaw, nanhte a ga hpe mung, madat mara ya na mara ai.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

1 HTESALONI 3:4

Hpa majaw nga yang, anhte gaw zingri zingrat hkrum sha na raga ai lam, nanhte hte rau anhte naw nga nga ai ten kaw nna nanhte hpe tsun sadi jaw magang saga ai. Dai hte maren hkrak sha ya byin wa sai hpe nanhte atsawm sha chye nga myit dai.

1 PETRU 4:1

Hkristu gaw hkum shan hta nni nkri hkrum nu ai rai nna shi a hkam la ai myit mang ai baw hte nanhte mung tinang a hkum ni hpe n-gun shaja la mu; hpa majaw nga yang hkum shan nni nkri hkam sai wa gaw yubak mara hte shi n seng mat nu ai.