LUKA 22:33 - Jinghpaw Common Language Bible 2009

³³ Simun gaw, “Madu e, ngai gaw htawng de rai ti mung, si hkam na de rai ti mung, nang hte rau sa na matu jin nga chyalu rai nga nngai,” ngu nna htan wu ai.

Jinghpaw Hanson Version Bible

³³ Shaloi Simun gaw, “Madu e, nang hte rau ngai gaw htawng de rai timung, si hkam ai de rai timung, hkan shang nang na myit tawng nga nngai,” ngu nna htan wu yang,

LUKA 22:33 ပူးပေါင်းရင်းမြစ်များ

GA SHAGAWP 28:26

Tinang a myit machyu ai wa gaw angawk ai wa rai nga ai; Hpaji grau rawng ai wa a sharin shaga ai ga hpe hkan ai wa chyawm gaw shim lum na ra ai.

YEREMIA 10:23

Madu e, anhte hta na kadai mung anhte a hpang jahtum na lam hpe n up nga ai gaw ngai chye nngai; anhte kadai mung anhte a asak hpe n hkang lu nga ai.

YEREMIA 17:9

“Masha a myit masin hpe kadai chye lu nga a ni? Grai masu magaw ai hta jan nna hpa mung n nga nga ai; dai gaw shamai shatsai la na matu nau wa machyi sawng mat nga ai.

MAHTE 20:22

Yesu gaw dai kasha yan hpe, “Nanhte hpa hpyi nga ai hpe nanhte n chye myit dai; ngai lu magang nga ai nni nkri gawm hpe nanhte lu lu na rai nga myit ni?,” ngu nna htan wu ai. Shan gaw, “An rai lu na ga ai,” ngu mu ai.

MARKU 14:29

Petru gaw, “Kaga ni yawng dai hku galaw ma ti mung, ngai gaw nang hpe galoi mung n kabai kau tawn da na nngai,” ngu nna htan wu ai.

MARKU 14:31

Petru chyawm gaw, “Nang hte rau ngai si hkra rai ti mung, ngai nang hpe n nyet kau na nngai!,” ngu nna grau nna aja awa tsun wu ai. Kaga ni yawng mung dai hte maren tsun nang ma ai.

LUKA 22:34

Yesu gaw, “Petru e, ngai nang hpe tsun de ga, dai na pyi, u garai n goi yang, nang ngai hpe n chye nngai nga nna masum lang nyet kau na rin dai,” ngu wu ai.

LUKA 22:57

Rai ti mung Petru gaw, “Num nang e, dai wa hpe ngai n chye nngai,” ngu nna nyet kau wu ai.

YAWHAN 13:38

Yesu gaw, “Nang kaja wa nye a matu si hkam na jin chyalu rai nit ni? Kaja wa teng teng ngai nang hpe tsun de ga, U garai n goi yang, nang ngai hpe masum lang nyet kau na rin dai,” ngu nna shi hpe htan wu ai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna nye myit hpe gawng run shangun ya nga myit ta? Yerusalem mare e gyit hkang da ai hkrum na sha n ga, Madu Yesu a mying nsang a majaw dai yang sa si hkam na pyi ngai jin jin rai nga nngai,” ngu nna htan shangap mu ai.