LUKA 22:29 - Jinghpaw Common Language Bible 2009

²⁹ Dai re ai majaw, nye Wa gaw ngai hpe up hkang na ahkang aya jaw ai zawn, ngai mung nanhte hpe, up hkang na ahkang jaw made ai.

Jinghpaw Hanson Version Bible

²⁹ Dai re ai majaw, nye wa gaw ngai hpe mungdan ap ya ai zawn, ngai mung nanhte hpe mungdan ap ya nna,

LUKA 22:29 ပူးပေါင်းရင်းမြစ်များ

MAHTE 24:47

Nanhte hpe ngai teng teng tsun made ga, dai madu gaw shi a arai mahkra a ntsa e, shi hpe san tawn da na wu ai.

MAHTE 25:21

Shaloi shi a madu gaw, ‘Ara rai sa, kaja ai hte sadi dung ai mayam e, arai loi sha hta nang kangka rai nit dai; dai rai nna arai law law a ntsa e ngai nang hpe san tawn da na de ai, na madu a kabu gara ai hta nang shang lawm u!,’ ngu nna shi hpe tsun wu ai.

MAHTE 25:34

Shaloi dai Hkawhkam wa gaw, shi a hkra maga de nga ai ni hpe, ‘Nye a Wa kaw na shaman ya ai lu la ai ni e! Sa marit! Ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

MAHTE 5:10

Karai Kasang a myit ra ai lam hte maren galaw ai majaw zingri zingrat hkrum ai ni gaw a lu ma ai; hpa majaw nga yang, sumsing lamu a mungdan shanhte a mungdan rai nga malu ai!

MAHTE 5:3

“Wenyi hta matsan mayan rai nga ai hpe dum chye ai masha ni gaw a lu ma ai, hpa majaw nga yang, sumsing lamu a mungdan gaw shanhte a mungdan rai nga malu ai!

LUKA 12:32

Sagu hpung kaji e, hkum hkrit et; hpa majaw nga yang, dai mungdan nanhte hpe jaw na, nanhte a Kawa myit ra sharawng nga ai.

LUKA 19:17

Shaloi madu gaw, ‘Ara, kaja ai shangun ma e! Nang gaw amu kaji hta kangka nit dai majaw, ngai nang hpe mare shi a ntsa e up hkang sha shangun na de ai,’ ngu nna tsun wu ai.

1 KORINHTU 9:25

Shingjawng poi shang na matu shaman ai ginsup ninghkrin shagu gaw, ja ai hkan sa tara ni hpe hkan sa shatup ma ai. Dai masha ni shing rai galaw ai gaw hten mat chye ai nampan shanghkawng janmau lu la na matu rai nga ai. Anhte chyawm gaw htani htana n hten n mat chye ai janmau lu la na matu shakut sharang ga ai.

2 KORINHTU 1:7

Nanhte gaw anhte hkrum hkra nga ai nni nkri hta, nanhte mung hkrum lawm nga myit dai hte maren, anhte hkam la ai shalan shabran ai chyeju hpe mung, hkam la nga myit dai majaw, nanhte hta anhte a myit mada ai lam galoi mung n shamu n shamawt ai sha grin nga ai hpe anhte chye ga ai.

2 TIMOHTI 2:12

Anhte matut nna hkam sharang nga ga yang gaw, anhte shi hte rau mung up nga lu na raga ai. Anhte shi hpe ningdang kau ga yang gaw, shi mung anhte hpe ningdang kau na ra ai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

1 PETRU 5:4

Dai Sagu Rem Agyi Kaba Wa dan pru ai shaloi nanhte gaw htoi kabrim ai nsam galoi mung n mat chye ai arawng sadang hte hpring ai janmau lu la na marin dai.

SHINGRAN 21:14

Dai mare a bunghku hpe npawt nhpang nlung shi lahkawng a ntsa e gaw da nna, dai ni a ntsa e Sagu Kasha a kasa ni shi lahkawng a mying shingteng ni hpe ka kap da nga ai.