LUKA 22:2 - Jinghpaw Common Language Bible 2009

² Hkinjawng agyi ni hte Tara sara ni gaw, mung masha ni hpe hkrit da mu ai majaw, Yesu hpe kadai n chye ai sha sat kau na lam langai mi tam nga ma ai.

Jinghpaw Hanson Version Bible

² Shaloi hkinjawng agyi ni hte laika ka ai sara ni gaw, shi hpe kaning di sat kau lu na lam, tam nga ma ai: kaning rai nme law, shanhte mung masha ni hpe hkrit da mu ai.

LUKA 22:2 ပူးပေါင်းရင်းမြစ်များ

MAHTE 12:14

Hparishe ni chyawm gaw tara jawng na pru mat wa nna, shi hpe kaning di sat kau lu na lam bawng nga ma ai.

MAHTE 21:38

Rai ti mung, sun galaw ai ni dai kasha hpe hkap mu jang, ‘Ndai wa gaw sun madu a kasha rai nna sali wunli dagraw na wa rai nga ai, sa marit shi hpe sat kau nna shi a sali wunli anhte la kau ya gaw,’ nga nna shada da bawng dup la ma ai.

MAHTE 26:2

“Lahkawng ya lai jang, dai Shalai wa ai Poi du na ra ai, nanhte chye nga myit dai rai nna, Masha Kasha hpe wudang hta e jen da na matu ap kau ai hkrum na ra ai,” ngu mu ai.

MARKU 14:1

Ya, Shalai Wa ai Poi hte matsi n rawng ai muk sha ai Azuma poi du na lahkawng ya sha ra sai. Shaloi hkinjawng agyi ni hte Tara Sara ni gaw Yesu hpe kaning di nna makoi magap ai hku rim la nhtawm sat kau lu na lam tam nga ma ai.

LUKA 20:19

Dai ga shadawn hpe tara sara ni hte hkinjawng agyi ni hpe sha-ang nna tsun ai re hpe shanhte chye ma ai majaw, dai ahkying hta pyi shi hpe rim la na maw ma ai; rai ti mung shanhte shawa masha ni hpe hkrit da mu ai.

YAWHAN 11:57

Dai shaloi e Hkinjawng Agyi ni hte Hparishe ni gaw Yesu hpe rim la lu hkra, “Kadai rai ti mung shi nga ai shara chye yang gaw tsun shana madun lu na,” nga nna hkang da ma ai.

KASA 4:27

Dai hte maren kaja wa teng teng Herod yan Pontu Pilat gaw maigan masha ni, Israela amyu masha ni hte rau Madu a Chyoi pra ai shangun ma rai nga ai, nang Meshia shatai sai Yesu hpe tai ninghkap na matu ndai mare e jawm hpawng nga ma ai.