LUKA 22:18 - Jinghpaw Common Language Bible 2009

¹⁸ ngai nanhte hpe tsun made ga, Karai Kasang a Mungdan garai n du dingsa ya kaw nna ndai sabyi ntsin hpe ngai n lu na ni ai,” ngu mu ai.

Jinghpaw Hanson Version Bible

¹⁸ ngai nanhte hpe tsun made ga, Karai Kasang a mungdan garai n du dingsa sa gaw, ya kaw nna tsabyi ru a asi hta na, ngai n lu na ni ai,” ngu mu ai.

LUKA 22:18 ပူးပေါင်းရင်းမြစ်များ

SHAKAWN KUNGDAWN 104:15

shi hkum nan myit ngwi myit pyaw na matu sabyi ntsin hpe mung; kabu sumsai lu na matu, tsanlun sau hpe mung, n-gun hpring wa na matu, shadung muk hpe mung, shi galaw shapraw nga ai.

Shawlumon A Mahkawn Ga 5:1

Nye a nja jan, nye a num nnan e, ngai gaw nye a sun de shang ni ai. Ngai gaw manam pyaw ai namji namya ni hte mura ni hpe shinggyin la nngai; lagat ntsin hte gitbaw hpe ngai sha nna, sabyi ntsin hte ngachyu hpe ngai lu nga nngai. Tsaw ra ni e, nanhte gaw tsaw ra myit hte lu nang mat ai aten du hkra lu lu sha sha rai nga mu!

ESAIA 25:6

Chyahtum Chyalai N-gun rawng ai dai Madu gaw ndai Ziun Bum ntsa e mungkan ga na amyu baw ni yawng a matu lusha poi langai hkyen ya na ra ai, dai gaw dwi sau mu mai htum ai lusha hte hkyeng tsawm ai sabyi machyan lusha poi rai nga ai.

ESAIA 55:1

Dai Madu gaw, “Hpang gara ai ni e, sa marit- ndai yang e hka nga nga ai! Gumhpraw n lu ai ni e, sa marit- nsi naisi mari nna sha mu! Sa marit, sabyi ntsin hte nga chyu mari lu mu- dai gaw manu jahpu hpa mung n hkrat ra nga ai!

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

ZEHKARIA 9:15

Chyahtum Chyalai N-gun rawng ai dai Madu gaw shi a amyu masha ni hpe makawp maga na ra ai, shanhte gaw gumlau hpyen ni hpe jahten kau na mara ai. Shanhte gaw majan pa e chyaru nang ai wa zawn jahtau garu nna, shanhte a gumlau hpyen ni a asai jahkaw kau ya na mara ai; dai gaw tawn hkungri ntsa e nga ai jarung kaw na ru hkaw dat ai shagu hkungga asai zawn lwi hkrat wa na ra ai.

ZEHKARIA 9:17

Dai mungdan gaw kade sha mai kaja nna tsawm htap nga na rai a hka! Shabrang ni mung dai mung na nsi naisi hte sabyi ntsin a majaw n-gun ja nna kaba wa na mara ai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

MAHTE 26:29

Nanhte hpe ngai tsun made ai gaw, nye Wa a mungdan hta e, nanhte hte rau, sabyi nnan hpe ngai lu lu na nhtoi du hkra, ndai sabyi ru a asi hta na ngai bai lu na n rai,” ngu nna shanhte hpe gam jaw mu ai.

MARKU 14:23

Dai hpang gawm hpe mung shi la nna, Karai Kasang a chyeju hpe shakawn ngut jang, shanhte hpe jaw mu ai; shanhte yawng dai hta na lu ma ai.

MARKU 14:25

Nanhte hpe ngai teng teng tsun made ga, Karai Kasang a Mungdan hta e sabyi nnan hpe ngai lu lu ai nhtoi du hkra, ndai sabyi hpe ngai galoi mung bai lu lu na n rai,” ngu nna tsun mu ai.

MARKU 15:23

Dai shara kaw shanhte gaw Mura ngu ai hte kayau ai sabyi ntsin Yesu hpe jaw lu na shakut mu timung, shi n lu ya mu ai.

MARKU 9:1

Shi matut nna bai tsun mu ai gaw, “Nanhte hpe ngai teng teng tsun made ga, ya nang e tsap nga ai ni nkau mi, Karai Kasang a Mungdan gaw hpung shingkang n-gun atsam hte de da ai hpe garai n mu mu gaw, si ai n hkrum na ma ai,” ngu mu ai.

LUKA 21:31

Dai hte maren, dai lam ni byin hpang wa ai hpe nanhte mu myit yang, Karai Kasang a Mungdan du ra ai hpe chye na nga mu.

LUKA 22:16

Hpa majaw nga yang, ngai nanhte hpe tsun made ga, ndai poi galaw ai lam a shatawng shada ai gaw, Karai Kasang a Mungdan hta ndai poi bai galaw ai ten hta she hkum tsup ai lachyum pru wa na re, Dai aten garai n du du gaw, ngai dai hpe bai n sha na ni ai,” ngu nna tsun mu ai.

LUKA 9:27

Nanhte hpe ngai teng teng tsun made ga, nang e lawm nga ai ni hta na nkau mi, Karai Kasang a Mungdan garai n mu mu gaw, si ai n hkrum na ma ai.

KOLOSE 1:13

Shi gaw anhte hpe n hkru n kaja ai nsin a n-gun atsam kata kaw na hkye mawai la nna shi a tsaw ra ai Kasha a mungdan hta shashawn mi ai.

TARA AGYI 9:13

Rai ti mung sabyi ru gaw, ‘Nanhte hpe up hkang na matu karai ni hpe mung, shinggyim masha ni hpe mung, kabu awng sharawng shangun ai nye a sabyi ntsin shapraw ai hpe ngai jahkring kau na rai nga a ni?,’ ngu nna tsun wu ai.