LUKA 22:16 - Jinghpaw Common Language Bible 2009

¹⁶ Hpa majaw nga yang, ngai nanhte hpe tsun made ga, ndai poi galaw ai lam a shatawng shada ai gaw, Karai Kasang a Mungdan hta ndai poi bai galaw ai ten hta she hkum tsup ai lachyum pru wa na re, Dai aten garai n du du gaw, ngai dai hpe bai n sha na ni ai,” ngu nna tsun mu ai.

Jinghpaw Hanson Version Bible

¹⁶ kaning rai nme law, ngai nanhte hpe tsun made ga, Ndai poi a lam Karai Kasang a mungdan hta garai n dik dik gaw, ngai dai hpe n sha na ni ai,” ngu nna shanhte hpe tsun mu ai.

LUKA 22:16 ပူးပေါင်းရင်းမြစ်များ

LUKA 12:37

Dai madu du wa yang maja nga mala ai hpe, madu hpe wa mu lu shangun ai shangun ma ni gaw a lu ma ai. Ngai nanhte hpe tsun made ga, shi a ntsa palawng hpe raw nna, shanhte hpe sha ku grup dung shangun nna galaw daw na ra ai.

LUKA 14:15

Shi hte rau dung nga ai masha langai mi dai ga na jang, “Karai Kasang a Mungdan hta lusha poi lawm lu na ni gaw gade sha a lu ai ni rai na rai i?,” ngu nna Yesu hpe tsun wu ai.

LUKA 22:15

Madu gaw, “Ngai nni nkri garai n hkrum yang, nanhte hte rau, Shalai Wa ai Poi sha na ngai grai sharawng da we ai.

LUKA 22:18

ngai nanhte hpe tsun made ga, Karai Kasang a Mungdan garai n du dingsa ya kaw nna ndai sabyi ntsin hpe ngai n lu na ni ai,” ngu mu ai.

LUKA 22:30

Nye a mungdan hta, nye a sha ku e nanhte ngai hte rau lusha lu na marin dai hte tingnyang ni hta dung nna Israela amyu shi lahkawng hte hpe up nga lu na marin dai.

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.

KASA 10:41

Shing rai shadan dan ai gaw masha shagu hpe n rai, sakse a matu nga nna Karai Kasang e tau hkrau nna lata san da ai anhte ni a man e sha shadan dan mi ai. Anhte gaw shi si ai kaw na bai hkrung rawt wa ai hpang shi hte rau lu rau sha ai ni rai ga ai.

SHINGRAN 19:9

Dai hpang lamu kasa gaw, “Dai Sagu Kasha a hkungran poi de shaga da hkrum ai ni gaw a lu ma ai, ngu nna ka da u,” nga nna mung, “Ndai ga gaw Karai Kasang a teng man ai mungga ni rai nga ai,” nga nna mung ngai hpe tsun ai.