LUKA 21:8 - Jinghpaw Common Language Bible 2009

⁸ Yesu gaw, “Nanhte hkalem masu kau ai n hkrum myit ga, sadi nga mu, hpa majaw nga yang, masha law law wa nye a mying hte paw pru nna, ‘Ngai gaw shi rai nngai; Jahtum nhtoi du ra ai; nga nna tsun na mara ai. Shanhte a hpang hkum hkan nang myit.

Jinghpaw Hanson Version Bible

⁸ Shaloi shi gaw, “Nanhte hkalem kau ai n hkrum myit ga, sadi nga mu: kaning rai nme law, masha law law wa nye a amying hte paw pru nna, ‘Ngai gaw dai wa rai nga nngai, ahkying mung du ra ai,’ nga nna tsun na mara ai: shanhte a hpang hkum hkan nang myit.

LUKA 21:8 ပူးပေါင်းရင်းမြစ်များ

YEREMIA 29:8

Nanhte kaw hkan nga nang ai myihtoi ni hte shanhte chyu sha du na ra ai aten a lam hpe lu tsun dan ai nga nna tsun ai kaga masha ni hku nna mi rai tim, nanhte hkum nan masu hkalem ai n hkrum myit ga, dai Madu Israela a Karai Kasang ngai nan nanhte hpe shadum jahprang sadi jaw nga nngai. Shanhte a yup mang ni hpe hkum kam myit.

MAHTE 24:11

Masu ai myihtoi law law mung paw pru nna, masha law law hpe lam shadam na mu ai.

MAHTE 3:2

shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MAHTE 4:17

Dai aten kaw nna Yesu gaw, “Sumsing lamu a mungdan du magang ra ai rai nna, nanhte a yubak mara ni kaw na myit malai lu nna kayin wa marit!,” nga nna hkaw tsun hpang nga ai.

LUKA 17:23

Dai nhtoi a masha ni gaw, ‘Yu mu, wonang nga nga ai!,’ shing n rai, ‘Yu mu, nang e nga nga ai!,’ nga nna shanhte tsun ma timung, hkum pru hkum yu myit.

LUKA 21:7

Shanhte gaw, “Sara e, dai galoi rai na rai ta? Dai byin na aten du wa magang sai lam kumla madun na matu hpa baw byin wa na rai ta?,” nga nna san ma ai.

LUKA 21:9

Hpyen gasat ai lam ni hte gumlau rawt ai lam ni na yang hkum hkrit myit; dai lam ni shawng byin lu na rai nga ai, rai ti mung, dai ni gaw, jahtum nhtoi ni ra ai ngu mayu ai garai n rai nga ai,” ngu nna tsun mu ai.

YAWHAN 5:43

Ngai gaw nye Wa a ahkang aya hte du sa nngai rai ti mung nanhte ngai hpe n hkap la myit dai, kaga langai wa mi tinang nan a ahkang aya hte du sa ai rai taw gaw, nanhte shi hpe hkap la na marin dai.

YAWHAN 8:24

Dai re ai majaw, nanhte gaw tinang a yubak hta si wa na marin dai ngu nna ngai nanhte hpe tsun ni ai. ‘Ngai gaw ngai wa rai nga nngai,’ hpe nanhte n kam n sham myit yang gaw, nanhte tinang a yubak hta si na marin dai,” ngu mu ai.

YAWHAN 8:28

Dai majaw Yesu gaw, “Dai Masha Kasha hpe nanhte sharawt da ai shaloi she, ‘Ngai gaw ngai wa rai nga ai,’ hpe mung, ngai gaw nye a myit hte hpa mung n galaw ai sha, nye Wa ngai hpe sharin nngai hte maren sha ngai tsun ai hpe mung, nanhte chye na na marin dai.

1 KORINHTU 6:9

N hkru n kaja ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit; hpye ai amu galaw ai ni, gawkngu sumla nawku ai ni, num shaw ai ni, la shada tam ai ni,

EHPESU 5:6

Kadai mung kaman lila ga ni hte nanhte hpe hkum hkalem hkalau shangun nga myit; hpa majaw nga yang dai lam ni nan a majaw Karai Kasang a pawt sindawng ai gaw n madat n mara ai ni a ntsa e du na ra ai.

2 HTESALONI 2:3

Gara hku rai ti mung, nanhte hpe gade e mung n hkalem kau myit ga. Hpa majaw nga yang, hpang jahtum Karai Kasang hpe gumlau ai lam garai n byin yang, ngarai mung de jahkrat kau hkrum na rai nga ai n hkru Ai Wa garai n paw pru yang dai nhtoi du na ra ai n rai.

2 TIMOHTI 3:13

N hkru n kaja ai masha ni hte masu hkalem sha ai ni chyawm gaw masha hpe hkalem sha nna tinang ni nan hkalem sha ai bai hkrum ai hte n hkru ai lam hta n kaja ai kaw nna n kaja dik ai de grau grau matut shanang sa wa na mara ai.

1 YAWHAN 4:1

Tsaw ra ai ni e, Wenyi hkam la lu ga ai nga nna tsun ai ni yawng hpe hkum kam nga myit; shanhte hkam la ai ngu ai wenyi gaw Karai Kasang kaw na yu wa ai wenyi rai nga ai kun? jep yu mu; hpa majaw nga yang, masu ai myihtoi ni law law wa shara shagu hkan du taw nga masai.

2 YAWHAN 1:7

Yesu Hkristu gaw masha a hkum shan hpe dagraw nna du sa ai hpe ndang kau ai hkalem ai masha law law wa mungkan ga shara shagu de pru sa mara ai. Shing re ai masha gaw masu hkalem ai hte Hkristu a hpyen rai nga ai.

SHINGRAN 1:3

Ndai shingran Chyum Laika hpe hti ai wa hte, ndai myihtoi ga hte hpe madat mara nna, ndai laika hta ka da mada hpe hkan galaw ai ni gaw a lu ma ai. Hpa majaw nga yang, tsun dan ai amu lam ni byin wa na ahkying ladaw ni wa magang ra ai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.