LUKA 21:6 - Jinghpaw Common Language Bible 2009

⁶ Yesu gaw, “Ndai nanhte mu nga ai arai ni yawng nlung langai mi pyi, ndai kaw mi na shi a shara hta n mara nga lu na aten du na ra ai, nlung tawng shagu run kabai jahkrat kau ai hkrum na ra ai,” ngu mu ai.

Jinghpaw Hanson Version Bible

⁶ “Ndai nanhte mu nga ai arai ni gaw, n run n hpya kau ai, nlung langai mi a ntsa e langai mi n mara nga lu na nhtoi du na ra ai,” ngu mu ai.

LUKA 21:6 ပူးပေါင်းရင်းမြစ်များ

YEREMIA 26:18

“Yuda Hkawhkam Hezekia hkaw dung ai shaloi, Morashi masha myihtoi Mihka gaw amyu masha ni yawng hte hpe myihtoi ga tsun let, Chyahtum Chyalai N-gun Rawng ai dai Madu gaw, ‘Ziun gaw hkauna galau ai zawn, galau kau hkrum na ra ai; Yerusalem gaw ga sumpum tai mat na ra ai, Nawku Htingnu kawng gaw nam maling tai mat na ra ai,’ ngu nna tsun nu ai.

YEREMIA 26:6

Nang gaw matut nna n madat n mara ai rai yang, Shilo hpe ngai galaw kau ai zawn ndai Nawku Htingnu hpe mung ngai di kau na we ai. Ndai mungkan ga na masha amyu baw ni yawng hte gaw ndai mare a amying hpe dagam dala shara zawn lang na mara ai,” ngu nna tsun wu ai.

YEREMIA 26:9

Ndai Nawku Htingnu gaw Shilo zawn tai mat nna, ndai mare gaw masha kadai n nga ai jahten shabyak kau hkrum na ra ai ngu nna dai Madu a mying hta hpa majaw nang tsun n ta?,” ngu nna san ma ai. Shaloi amyu masha ni gaw ngai hpe shinggrup da nga ma ai.

SHARUNG SHAYAWT 4:1

Anhte a htoi kabrim ai aja gaw n kabrim mat nu ai; Nawku Htingnu nlung ni mung nmaw lam hkan e taw nga ai.

SHARUNG SHAYAWT 5:18

Ziun Bum gaw shi chyu sha re re rai shingran katsi mat ai majaw; nam na matse ai gwi ma-a ni de a hten run shara ni hkan lanyan hkawm nga ma ai.

MIHKA 3:12

Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.

ZEHKARIA 11:1

Lebanon e, na a chyinghka ni hpe hpaw tawn u, shaloi, wan gaw na a arit hpun ni hpe hkru kau lu nga ai!

ZEHKARIA 14:2

Dai Madu gaw Yerusalem hpe gasat na matu masha amyu baw ni hpe jahpawng da na ra ai. Dai mare gaw gasat la kau ai hkrum nna, nta ni hpya katut nna numsha ni mung roi rip hkrum na mara ai. Amyu masha ka-ang hkup hte gaw bawng dung mat wa ti mung, naw ngam nga ai ni mahtang mare kaw nna tsan tsan de n woi la hkrum nga ma ai.

MAHTE 24:2

Shi mahtang shanhte hpe, “Rai sa, ndai nta ni yawng hte hpe nanhte mada mu ai n rai ni? Ngai nanhte hpe teng teng tsun made ga, ndai nta ni gaw, nlung langai mi gaw langai mi a ntsa e n mara mat ai du hkra hten run mat na mara ai,” ngu nna shanhte hpe tsun mu ai.

MARKU 13:2

Yesu gaw, “Ndai wahpang nta kaba ni hpe ya nang mu ai n rai ni? Nlung langai mi muk mi na shi a shara hta ngam taw nga na ra ai n rai; dai wahpang ni hta na nlung shagu langai mi a ntsa e langai mi n mara hkra run ayai hkrat mat na ra ai,” ngu nna shi hpe tsun wu ai.

LUKA 21:7

Shanhte gaw, “Sara e, dai galoi rai na rai ta? Dai byin na aten du wa magang sai lam kumla madun na matu hpa baw byin wa na rai ta?,” nga nna san ma ai.