LUKA 21:36 - Jinghpaw Common Language Bible 2009

³⁶ Nanhte gaw dai byin wa na ra ai lam ni yawng hpe lai di nna lawt lu na n-gun atsam lu la myit ga hte Masha Kasha a man e tara daw dan hkam na matu tsap lu ging ai ni tai lu myit ga akyu hpyi nga let amaja nga mu,” ngu mu ai.

Jinghpaw Hanson Version Bible

³⁶ Dai rai nna, dai byin wa na ra ai lam ni yawng hta na nanhte lawt lu nna, Masha Kasha a man e tsap lu ging ai ni tai lu myit ga, akyu hpyi let, ahkying aten shagu hta a maja nga mu,” ngu mu ai.

LUKA 21:36 ပူးပေါင်းရင်းမြစ်များ

YOBA 27:10

Shanhte jaw ya ai kabu pyaw lam hpe shanhte hkam la ang ma ai; shanhte gaw shi hta dinggrin akyu hpyi ang ma ai.

SHAKAWN KUNGDAWN 1:5

Yubak kap ai ni gaw Karai Kasang a daw dan ai hkrum na mara ai, Karai Kasang a amyu masha kaw nna jahka kau ai hkrum na mara ai.

YEREMIA 35:19

Dai majaw, Chyahtum Chyalai N-gun Rawng ai dai Madu Israela a Karai Kasang ngai nan Rehkab a kasha Yonadab hta na ngai hpe daw jau na matu shadang sha aru arat, tut nawng anga nga na ra ai nga nna ga sadi jaw nngai.”

MALAHKI 3:2

Rai ti mung, shi du ai nhtoi hpe kadai hkam sharang lu na rai ta? Shi dan pru yang kadai wa hkrung nga lu na rai ta? Shi gaw ja ai sabya zawn nhprang arai hpe shatsawm ai wan zawn rai na ra ai.

MAHTE 24:42

“Dai rai nna, nanhte a Madu gaw gara shani e du sa na hpe nanhte n chye myit dai majaw, amaja nga mu.

MAHTE 24:43

Nta madu gaw lagut sa na ahkying hpe chye wu taw gaw, shi amaja nga na ra ai rai nna shi a nta de lagut shang shangun na wu ai n rai-dai hpe dum nga mu.

MAHTE 24:44

Dai rai nna nanhte galoi mung jin jin rai nga mu: hpa majaw nga yang, nanhte n myit mada ai ahkying hta e dai Masha Kasha du sa na ra ai.

MAHTE 25:13

Dai rai nna Yesu gaw, “Dai nhtoi hpe mung, dai ahkying hpe mung, nanhte n chye myit dai majaw amaja nga mu,” ngu nna tsun hpungdim wu ai.

MAHTE 26:41

Agung alau ai n hkrum myit ga, maja nga ai hte akyu hpyi nga mu; Wenyi gaw teng man ai Karai Kasang a myit ra ai hku galaw mayu nga ai, hkum shan mahtang n-gun kya nga ai,” ngu mu ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u tsip ni lu ma ai, dai Masha Kasha chyawm gaw baw tawn na shara pyi n lu nga ai,” ngu shi hpe tsun wu ai.

MARKU 13:33

Dai ahkying galoi du na ngu ai hpe nanhte n chye nga myit dai majaw, sadi let maja nga mu.

MARKU 13:37

Nanhte hpe ngai tsun made ai hte maren, masha yawng hte hpe mung ngai tsun mawe ga: amaja nga mu!,” ngu nna shanhte hpe tsun mu ai.

LUKA 1:19

Lamu kasa gaw, “Ngai gaw Karai Kasang a man e tsap nga ai Gabriela rai nga nngai; nang hpe tsun dan u nga nna, ndai Kabu Gara Shiga tsun shana ya na ngai hpe shangun dat ni ai.

LUKA 18:1

Dai hpang Yesu gaw, tut nawng akyu ahpyi nga mu ga hte myit n hten malu ga, sape ni hpe ga shadawn langai mi hte sharin shaga mu ai.

LUKA 20:35

Rai ti mung, si ai kaw na bai hkrung rawt wa nna sumsing lamu Mungdan de shang na gingdan ai masha ni gaw, htinggaw rawn ai hte num la num ya ngu ai n nga ma ai.

LUKA 21:35

Hpa majaw nga yang, dai nhtoi gaw ga ntsa shara shagu hta nga nga ai masha ni yawng a ntsa e shing rai du na ra ai.

KASA 10:2

Shi gaw tara hkungga ai wa rai nna shi hte shi a nta dinghku masha ni yawng Karai Kasang hpe hkrit hkungga nawku daw jau ma ai. Shi gaw matsan mayan re ai Yuda masha ni hpe mung alu law law jaw ai hte karum madi shadaw let Karai Kasang kaw tut tut akyu hpyi nga ai.

1 KORINHTU 16:13

A maja nga mu, dai makam masham hta ngang ngang kang kang tsap nga mu, nden marai rawng nga mu, n-gun lapyin ja nga mu.

2 KORINHTU 4:14

Madu Yesu hpe si ai kaw na hkrung sharawt la ai Karai Kasang gaw anhte hpe mung Madu Yesu hte rau hkrung sharawt la na mi ai rai nna, nanhte hte rau shi a man de woi la na mi ai hpe anhte chye nga ga ai.

KOLOSE 4:2

Akyu hpyi ai hta ayan shakut sharang rai nga nna, amaja nga ai let Karai Kasang hpe chyeju adum nga mu.

1 HTESALONI 5:17

N sim n sa akyu hpyi nga mu,

2 TIMOHTI 4:5

Nang chyawm gaw hpa baw mabyin masa lam ni hkrum katut wa ti mung na a hkum hpe hkang tawn nna nni nkri hpe hkam sharang u. Dai Kabu Gara Shiga hkaw tsun ai sara amu hpe gun hpai nna, Karai Kasang a shangun ma langai mi hku na a lit nga manga hpe kup tsup hkra gun hpai nga u.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

1 YAWHAN 2:28

Rai sa shu sha ni e, shi dan pru ai shaloi nanhte gaw hkrit kaya nna gawp makoi mat n ra ai sha shi a man e nden ja ai hte tsap nga lu na matu shi hte langai sha arai nga mu.

YUDA 1:24

Ya chyawm gaw, nanhte kataw katan n rai hkra bau sin lu ai hte shi a hpung shingkang a man e shut hpyit mara n kap nna kabu gara ai lam jaw lu ai,

SHINGRAN 11:4

Dai sakse lahkawng gaw lamu ga Madu a man e jung tawn da nga ai tsanlun hpun lahkawng hte pyengdin shadun lahkawng rai nga ma ai.

SHINGRAN 6:17

Shan a hkrithpa pawt bu ai nhtoi kaba nang e du ra ai rai nna, kadai wa mi dai hpe tsap shingdang da lu na rai nga a ni?,” nga ma ai.

SHINGRAN 7:9

Dai hpang ngai yu dat yang, dai masha ni yawng mayawng hpe kadai mung n dang hti lu ai masha wunawng wuwa kaba langai mi hpe dai yang e ngai mu nngai. Shanhte gaw masha amyu baw shagu hta na mung, amyu shagu hta na mung, amyu mungdan shagu hta na mung, ga amyu shagu hta na mung, sa du ai ni rai nga ma ai. Dai ni gaw hpraw ai hpun palawng bu hpun nna, shanhte a lata ni hta tsanlun lakung ni hpe lang let, dai tingnyang a man e mung, Sagu Kasha a man e mung tsap nga ma ai.

SHINGRAN 8:2

Shaloi Karai Kasang a man e tsap nga ai lamu kasa sanit hpe ngai mu nngai; shanhte hpe pahtau sanit ya mu ai.