LUKA 21:25 - Jinghpaw Common Language Bible 2009

²⁵ “Dai shaloi e, jan shata, shagan ni hta laklai ai lamik kumla ni dan pru na ra ai. Ga ntsa e mungdan ni yawng gaw, panglai hkaleng ni a wu kadu ai nsen majaw hkrit kajawng ai hte myit ru myit tsang hkrum na mara ai.

Jinghpaw Hanson Version Bible

²⁵ Dai shaloi e jan, shata, shagan ni hta lamik kumla dan pru na ra ai, nammukdara hte hka leng ni a wu kadu ai nsen majaw, ga ntsa e, mung masha amyu ni myit mau ai hte ru tsang hkrum na mara ai:

LUKA 21:25 ပူးပေါင်းရင်းမြစ်များ

SHAKAWN KUNGDAWN 46:3

panglai hka ni wu kadu nga ai hte dai ni rawt hta wa ai a majaw, kawng ni ashun nga ma ti mung, anhte hkrit ra na ga ai n rai.

ESAIA 13:10

Shagan shagu hte shagan majaw shagu hte gaw nhtoi htoi na n rai, ajan pru wa tim sin mat na ra ai, shata gaw nhtoi jaw na ra ai n rai.

ESAIA 17:12

Daru magam n-gun rawng ai masha amyu baw ni gaw panglai hka wu kadu ai nsen zawn, hka leng kaba ni ngoi kashaw ai nsen zawn garu gachyi nga ma ai.

ESAIA 24:23

Shata gaw sin mat wa na ra ai, ajan mung htoi na ra ai n rai, hpa majaw nga yang, Chyahtum Chyalai N-gun rawng ai dai Madu gaw hkawhkam tai na ra ai. Shi gaw Ziun Bum ntsa na Yerusalem hta up nga na ra ai, amyu masha ni a ningbaw ni gaw shi a hpung shingkang hpe mu lu na mara ai.

ESAIA 5:30

Dai nhtoi du ai shaloi, shanhte gaw panglai hka wu kadu ai nsen zawn Israela amyu ni a ntsa e marawn shabam wa na mara ai. Ndai mungdan hpe mada yu mu! Dai gaw nsin hte myit htum myit chyum rai nga a hka! Nhtoi gaw nsin e mayu sha kau hkrum nga sai.

ESAIA 51:15

“Ngai gaw dai Madu na a Karai Kasang rai nga nngai; ngai gaw panglai hka hpe kabrawng dat ai hte de a hka leng ni hpe hta shangun nngai. Nye a mying gaw Chyahtum Chyalai N-gun rawng ai dai Madu rai nga nngai!

YEREMIA 4:23

Ginding aga hpe ngai mada yu ai shaloi-dai gaw akrin ayang rai nga ai; sumsing lamu de mada yu ai shaloi, nhtoi n nga nga ai.

Daniela 12:1

Lachyit nba hpun da ai dai lamu kasa gaw, “Dai aten hta, na a amyu masha ni hpe bau sin nga ai lamu kasa kaba Mihkaela dan pru wa na ra ai; shaloi masha amyu baw ni nga pra hpang wa ai aten kaw nna yak dik htum ai ru tsang hkrum aten du wa na ra ai. Dai aten du jang, Karai Kasang a jahpan laika hta mying rawng ai na a amyu masha ni yawng gaw hkye la ai hkrum na mara ai.

MIHKA 7:4

Shanhte hta kaja htum ai hte ding man dik htum ai wa pyi tsingdu tsingman ni zawn manu n dan nga ai. Shi gaw shanhte hpe shanhte a sin langa, myihtoi ni hku nna sadi jaw ai zawn Karai Kasang gaw amyu masha ni hpe ari jaw na nhtoi du ra ai. Ya chyawm gaw shanhte kashuk kashak byin nga ma ai.

MAHTE 24:29

“Bai, dai ru tsang ai nhtoi ni a hpang kalang ta nan jan gaw nip mat wa nna, shata mung n htoi mat na ra ai; shagan ni mung lamu de nna di hkrat mat na mara ai rai nna, lamu gang hkau na n-gun atsam ni gaw tinang a hkawm kayin nga ai lam ni kaw na htawt kamawng kau ai hkrum na mara ai.

MAHTE 27:45

Shani ka-ang jan pungding madi ai ten kaw nna shana de hkying masum du hkra, mung ting hta e nsin sin chyip rap rai mat ai.

MARKU 13:24

“Dai ru tsang ai hpang na nhtoi hte hta e, jan gaw sin mat wa nna shata ni nip mat na ra ai.

MARKU 13:26

Dai shaloi e, Masha Kasha gaw daru magam hpung shingkang kaba hte sumwi ni hta e du sa ai hpe mu lu na mara ai.

MARKU 15:33

Ya shani ka-ang jan pungding madi ai ten kaw nna mungkan ting hta e nsin chyip rai mat ai. Dai gaw hkying hkum masum na ai.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

LUKA 21:26

Masha ni gaw mungkan ting hta byin wa na ra ai amu ni hpe tau myit yu nna hkrit wa ai majaw htan mat na mara ai, hpa majaw nga yang, sumsing lamu ganghkau a atsam ni gaw shanhte a shara kaw na shamu shamawt gari ashun wa na mara ai.

KASA 2:19

Ngai gaw ntsa de sumsing lamu e lamik kumla ni, lawu de ga ntsa e mauhpa amu ni ngu ai, sai, wan hte htat la ai wan hkut hpe madun dan na nngai;

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.